കുന്ദമംഗലം: കാരന്തൂർ മർകസ് ബോയ്സ് ഹൈസ്കൂൾ ലിറ്റിൽ കൈറ്റ്സ് യൂണിറ്റിന്റെ ആഭിമുഖ്യത്തിൽ ‘അമ്മ അറിയാൻ’ സൈബർ സുരക്ഷാ പരിശീലനം സംഘടിപ്പിച്ചു. കേരള സർക്കാരിന്റെ ഒന്നാം വാർഷികത്തിന്റെ ഭാഗമായി ഒന്നര ലക്ഷം അമ്മമാർക്ക് നൽകുന്ന സൈബർ സുരക്ഷ സാക്ഷരതയുടെ ഭാഗമായാണ് പരിശീലനം. ചടങ്ങ് സ്കൂൾ പി ടി എ വൈസ് പ്രസിഡന്റ് അബ്ദുൽ റഷീദിൻ്റെ അധ്യക്ഷതയിൽ സീനിയർ അധ്യാപകൻ എ പി അബ്ദുല്ല ഉദ്ഘാടനം ചെയ്തു. പി.കെ അബൂബക്കർ, അബ്ദു റഹ്മാൻ പി.പി, എൻ കെ മുഹമ്മദ് സാലിം പ്രസംഗിച്ചു.
കൈറ്റ് വിദ്യാർത്ഥികളായ മാസ്റ്റർ മുഹമ്മദ് ഫായിസ്, മാസ്റ്റർ മുഹമ്മദ് മുഖ്താർ, മാസ്റ്റർ ആദിൽ ടി.വി.പി, മാസ്റ്റർ അജ്നാസ് ക്ലാസ്സെടുത്തു.
കൈറ്റ് മാസ്റ്റർ നജീബ് യു.പി സ്വാഗതവും എം നസീമ നന്ദിയും പറഞ്ഞു.