മാസ്റ്റേഴ്സ് വോളി ജില്ല ചാമ്പ്യൻഷിപ്പ് ഒക്ടോർ 30 ,31 തിയ്യതികളിൽ കാരന്തൂരിൽ

കുന്ദമംഗലം: എസ്.ഡി.കെ ഹെൽത്ത് കോംപ്ലക്സ് ചെലവൂർ വിന്നേഴ്സ് ട്രോഫി ക്കും ദേവാസ് ഓയൽ മിൽസ് റണ്ണേഴ്സ് ട്രോഫിക്കും വേണ്ടിയുള്ള പ്രഥമമാസ്‌റ്റേഴ്സ് വോളി ജില്ലാ ചാമ്പ്യൻഷിപ്പ് ഒക്ടോബർ 30-31 തിയ്യതികളിൽ കാരന്തൂർ പാറ്റേൺ ഇൻഡോർ സ്റ്റേഡിയത്തിൽ നടക്കുമെന്ന് സംഘാടക സമിതി വാർത്താ സമ്മേളനത്തിൽ അറിയിച്ചു. ജില്ലാ വോളിബോൾ അസോസിയേഷൻ്റെ സഹകരണത്തോടെ നടത്തുന്ന ചാമ്പ്യൻഷിപ്പ് 30 ന് ശനി രാവിലെ 9 മണിക്ക് കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് ബാബു നെല്ലൂ ളി ഉദ്ഘാടനം ചെയ്യും തുടർന്ന്ബാലുശ്ശേരി, കോഴിക്കോട് ,കുന്ദമംഗലം മേഖലകളിലെ 12 ടീമുകൾ തമ്മിൽ പങ്കെടുക്കുന്ന മേഖലാ മത്സരം നടക്കും. വടകര മേഖലയിൽ നിന്ന് ഫൈനൽ റൗണ്ടിലെത്തിയ രണ്ട് ടീമുകളും ഈ മേഖലയിൽ നിന്നും ഫൈനലിൽ എത്തിയ രണ്ട് ടീമുകളും തമ്മിൽ 31 ന് നടക്കുന്ന ഇൻ്റർസോൺ മത്സരത്തിൽ പങ്കെടുക്കും പഴയ കാല അന്തർദേശീയ സംസ്ഥാന ജില്ല താരങ്ങൾ വിവിധ ടീമുകൾക്ക് വേണ്ടി കളി കളത്തിലിറങ്ങുംക്കുടാതേ ഡിപ്പാർട്ട്മെൻ്റ് താരങ്ങളും കോർട്ടിലിറങ്ങുന്നത് മത്സരം ആവേശകരമാക്കും. ഗ്രാമീണ കായിക ഇനമായ വോളിബോളിന് വളക്കൂറുള്ള പ്രദേശമായ കുന്ദമംഗലത്ത് നടക്കുന്ന മത്സരം വമ്പിച്ച വിജയമാക്കുന്നതിന് കുന്ദമംഗലത്തെ പ്രദേശവാസികൾ ഒരുങ്ങി കഴിഞ്ഞു വാർത്താ സമ്മേളനത്തിൽ ശ്രീനുമുത്തേറ്റ് മണ്ണിൽ, പി.കെ.ബാപ്പു ഹാജി, സജീവ് കുമാർ, അരീക്കൽ മൂസ ഹാജി, സി. യൂസുഫ്, പി.ഹസ്സൻ ഹാജി, നാസർ കാരന്തൂർ തുടങ്ങിയവർ പങ്കെടുത്തു