കുന്ദമംഗലം:ഗ്രന്ഥകാരനും പ്രഭാഷകനുമായ എ .ആർ .കൊടിയത്തൂർ മുപ്പത്തിരണ്ട് വർഷത്തെ അധ്യാപന സേവനത്തിനു ശേഷം പെരിങ്ങൊളം ഗവണ്മെന്റ് ഹയർ സെക്കന്ററി സ്കൂളിൽ നിന്നും വിരമിച്ചു .വയനാട്ടിലെ അരിമുള എ .യു .പി .സ്കൂൾ ,കുറ്റിക്കാട്ടൂർ ഗവണ്മെന്റ് ഹയർ സെക്കന്ററി സ്കൂൾ എന്നിവിടങ്ങളിലും അബ്ദുറഹിമാൻ പള്ളിത്തൊടിക ജോലി ചെയ്തിട്ടുണ്ട് .2009 ൽ മലയാള മനോരമ -എയർ ഇന്ത്യ അധ്യാപക പ്രതിഭാ പുരസ്‌കാരം നേടി .കൊടിയത്തൂർ സീതി സാഹിബ്‌ കൾച്ചറൽ സെന്റർ ലൈബ്രറിയുടെ സെക്രട്ടറിയാണ് . അറബി ഭാഷ കേരളത്തിൽ , നല്ല മാഷും നല്ല മിസ്സും , ചിന്തിക്കുന്നവർക്ക് ദൃഷ്ടാന്തങ്ങൾ എന്നിവയാണ് രചനകൾ .പരിസ്ഥിതി പ്രവർത്തനങ്ങളിൽ പങ്കാളിയാവുന്നു .
എ .ആർ .കൊടിയത്തൂർ സർവീസിൽ നിന്നും വിരമിച്ചു
