കുന്ദമംഗലം:32-മത് ദേശീയ റോഡ് സുരക്ഷാ മാസാചാരണം 2021 ൻ്റെ ഭാഗമായി കോഴിക്കോട് RTO എൻഫോഴ്സ്മെൻറും സ്റ്റുഡൻ്റ്സ് പോലീസ് കേഡറ്റ്, കുന്ദമംഗലം യൂണിറ്റും സംയുക്തമായി റോഡ് സുരക്ഷാ ബോധവൽക്കരണം നടത്തി. നിയമം പാലിച്ചു വാഹനം ഓടിച്ച ഡ്രൈവർമാർക്ക് മധുര പലഹാരം നൽകുകയും, നിയമലംഘനർക്ക് കർശന താക്കീത് നൽകുകയും ചെയ്തു. NH 212ൽ കുന്ദമംഗലം – കൊടുവള്ളി റോഡിൽ കുന്ദമംഗലം ഹയർസെക്കൻഡറി സ്കൂൾ സ്റ്റുഡൻ്റ്സ് പോലീസ് കേഡറ്റുമായി ചേർന്ന് റോഡ് ഉപയോഗിക്കുന്നവർക്ക് നടത്തിയ ബോധവൽക്കരണ പരിപാടി റീജ്യണൽ ട്രാൻസ്പോർട്ട് ഓഫീസർ (എൻഫോഴ്സ്മെൻ്റ്) സി.വി.എം.ഷെരീഫ് ഉദ്ഘാടനം ചെയ്തു. ചടങ്ങിൽ കൊടുവള്ളി ജോയിൻ്റ് റീജ്യണൽ ട്രാൻസ്പോർട്ട് ഓഫീസർ .പ്രദീപ് ഇ.സി, മോട്ടോർ വെഹിക്കിൾസ് ഇൻസ്പെക്ടർമാരായ സബീർ മുഹമ്മദ്, സുനിൽ. എം.കെ, അസി. മോട്ടോർ വെഹിക്കിൾസ് ഇൻസ്പെക്ടർമാർ എന്നിവർ പങ്കെടുത്തു.
