കുന്ദമംഗലം :ഹയർ സെക്കന്ററി സ്കൂൾ ഗ്രൗണ്ടിൽ നടന്ന സംസ്ഥാന സീനിയർ സ്ക്വായ് ചാമ്പ്യൻഷിപ്പിൽ 87 പോയിന്റുകൾ നേടി കോഴിക്കോട് ഓവറോൾ ചാമ്പ്യന്മാരായി. 80 പോയിന്റുകൾ നേടി തിരുവനന്തപുരം രണ്ടാം സ്ഥാനം നേടി. 65 പോയിന്റ് ലഭിച്ച ആലപ്പുഴ ക്കാണ് മൂന്നാം സ്ഥാനം. കുന്ദമംഗലം ഗ്രാമ പഞ്ചായത്ത് പ്രസിഡണ്ട് ലിജി പുൽക്കുന്നുമ്മൽ ജേതാക്കൾക്ക് ട്രോഫി സമ്മാനിച്ചു. സ്ക്വായ് അസോസിയേഷൻ സംസ്ഥാന വൈസ് പ്രസിഡന്റ് കെ.പി വസന്തരാജ് അധ്യക്ഷത വഹിച്ചു. കേരള സ്ക്വായ് അസോസിയേഷൻ പ്രസിഡണ്ട് ഏ.കെ മുഹമ്മദ് അഷ്റഫ് കോച്ചസ് പരിശീലനത്തിൽ പങ്കെടുത്തവർക്കുള്ള സർട്ടിഫിക്കറ്റുകൾ വിതരണം ചെയ്തു. ജില്ലാ സ്ക്വായ് അസോസിയേഷൻ പ്രസിഡന്റ് ടി.മുഹമ്മദ് മുസ്തഫ,കെ മൊയ്‌ദീൻകോയ,പി.ടി അബ്ദുൽ അസീസ്, ഷംസു ഗുരിക്കൾ ചെലവൂർ, പി.മുഹമ്മദ് ഹസൻ, സെന്തിൽ കുമാർ എന്നിവർ അശംസകൾ നേർന്നു. അഡ്വ. ഷമീർ കുന്ദമംഗലം സ്വാഗതവും പി. ഷഫീഖ് നന്ദിയും പറഞ്ഞു.
സംസ്ഥാന സീനിയർ സ്ക്വായ് ചാമ്പ്യൻഷിപ്പ് : കോഴിക്കോട് ഓവറോൾ ജേതാക്കൾ
