കോഴിക്കോട് : കോർപ്പറേഷൻ മുൻ മേയർ എരഞ്ഞിപ്പാലം ചൈത്രത്തിൽ യു.ടി.രാജൻ (70) അന്തരിച്ചു. ഹൃദയാഘാതത്തെതുടർന്ന് കഴിഞ്ഞ 2 ആഴ്ചയായി നഗരത്തിലെ സ്വകാര്യ ആശുപത്രിയിൽ ചികിത്സയിലായിരുന്നു. പുലർച്ചെ രണ്ടുമണിയോടെയായിരുന്നു അന്ത്യം.ഭാര്യ: പി.പി.സുശീല (അഭിഭാഷക).മക്കൾ: ഡോ.ആത്മ, രുഗ്മ (മജിസ്ട്രേറ്റ്, കണ്ണൂർ), പരേതനായ യു.ടി.നിഥിൻരാജ്.മരുമക്കൾ: രാമു രമേശ്ചന്ദ്രഭാനു, ജയശങ്കർ. സ്വാതന്ത്ര്യസമര സേനാനിയായിരുന്ന മൂഴിക്കലിലെ അപ്പുവൈദ്യരുടെ മകനായ യു.ടി.രാജൻ കെഎസ്‌യു വിലൂടെ രാഷ്ട്രീയ പ്രവർത്തനം തുടങ്ങി നിയമ വിദ്യാർഥിയായിരിക്കെ കാലിക്കറ്റ് യൂണിവേഴ്സിറ്റി യൂണിയൻ ഭാരവാഹിയായിരുന്നു.കോൺഗ്രസ് പിളർന്നപ്പോൾ കോൺഗ്രസ് എസി ലെത്തിയ അദ്ദേഹം 1990 ൽ ഇടതുമുന്നണി യുടെ ബാനറിൽ കോഴിക്കോട് മേയറായി.കോൺഗ്രസ് എസി ലെ ഒരു വിഭാഗം മുൻ കേന്ദ്രമന്ത്രി കെ.പി.ഉണ്ണികൃഷ്ണന്റെ നേതൃത്വത്തിൽ കോൺഗ്രസിലേക്ക് മടങ്ങിയപ്പോൾ യു.ടി.രാജനും കോൺഗ്രസിൽ തിരിച്ചെത്തി.കഴിഞ്ഞ വർഷം പ്രധാനമന്ത്രി നരേന്ദ്രമോദിയുടെ ആഹ്വാന പ്രകാരം ബിജെപി യിൽ ചേർന്നു.
കോഴിക്കോട് മുൻ മേയർ യു.ടി.രാജൻ അന്തരിച്ചു
