ഒരുകൂട്ടം യുവാക്കൾ പുറത്തിറക്കിയ ‘ഇങ്ങനെയും ചിലർ’ എന്ന ഷോർട്ട്ഫിലിം ശ്രദ്ധേയമാവുന്നു.

കുന്ദമംഗലം: ഒരുകൂട്ടം യുവാക്കൾ പുറത്തിറക്കിയ ‘ഇങ്ങനെയും ചിലർ’ എന്ന ഷോർട്ട്ഫിലിം ശ്രദ്ധേയമാവുന്നു. കോവിഡ്19 എന്ന മഹാമാരിയെ ചെറുക്കാൻ ആരോഗ്യപ്രവർത്തകരും പോലീസും കഠിനപ്രയത്നം ചെയ്യുമ്പോൾ, ലോക്ഡൗൺ കാലത്ത് തിന്നും കുടിച്ചും വ്യാജവാറ്റിനെക്കുറിച്ച് ചർച്ചചെയ്തും സമയം നീക്കുന്ന യുവതലമുറക്കെതിരെ ശക്തമായി ആഞ്ഞടിക്കുന്ന പ്രമേയമാണ് ഇങ്ങനെയും ചിലരിൽ. കുന്ദമംഗലം സ്വദേശിയായ ചാലിൽഷനോജ് തിരക്കഥയും സംവിധാനവും നിർവ്വഹിച്ച പത്ത് മിനിട്ട് ദൈർഘ്യമുള്ള ഈ ഹ്രസ്വചിത്രം സോഷ്യൽമീഡിയകളിൽ ഇതിനകം വൈറലായിരിക്കയാണ്. ശ്രീനിവാസൻ,ചുനക്കരബാബു, സുബാഷ്,നിതിൻ, പ്രവീൺ, ധന്യേഷ്, ജിലു, ഗിതേഷ്, അംജിത്, സഗീഷ് എന്നിവരാണ് ഇതിലെ അഭിനേതാക്കൾ.