മെഡിക്കല്‍ കോളേജ്. കൊറോണ കാലത്ത് രക്തം കിട്ടാതെ ബുദ്ധിമുട്ട് നേരിടുന്ന രോഗികൾക്ക് സാന്ത്വനമേകി കുന്ദമംഗലം നിയോജക മണ്ഡലം മുസ്ലിം യൂത്ത് ലീഗ് ആരംഭിച്ച ദശ ദിന രക്ത ദാന കാമ്പയിന്റെ ഭാഗമായി കുന്ദമംഗലം പഞ്ചായത്ത് മുസ്ലിം യൂത്ത് ലീഗ് പ്രവര്‍ത്തകര്‍ രക്തം ദാനം നല്‍കി. കാമ്പയിന്റെ ഏഴാം ദിവസത്തിലാണ് കോഴിക്കോട് മെഡിക്കൽ കോളേജ് ബ്ലഡ് ബാങ്കിലേക്ക് രക്തം നല്‍കി കൊണ്ട് കുന്ദമംഗലം പഞ്ചായത്ത് യൂത്ത് ലീഗ് പ്രവര്‍ത്തകര്‍ കാമ്പയിനിന്‍റെ ഭാഗമായത്. ഷമീല്‍ പന്തീര്‍പാടം, മുസ്ഥഫ പന്തീര്‍പാടം, മുഹമ്മദ് റംസി കാരന്തൂര്‍, ഇര്‍ഷാദ് കാരന്തൂര്‍, അന്‍സാര്‍ കാരന്തൂര്‍, മുഹമ്മദ് ഹിഷാം കാരന്തൂര്‍, മുഹമ്മദ് ഹിജാസ് കാരന്തൂര്‍, അനു സിറാജ് ചൂലാംവയല്‍, സമീജ് ചൂലാംവയല്‍, താജുദ്ദീന്‍ ചൂലാംവയല്‍, സാബിത്ത് കാരന്തൂര്‍ എന്നിവര്‍ രക്തദനത്തില്‍ പങ്കാളികളായി. സിദ്ധീക്ക് തെക്കയില്‍, ടി പി എം സാദിക്ക്, അര്‍ഷാദ് പന്തീര്‍പാടം, കബീര്‍ മുറിയനാല്‍ എന്നിവര്‍ സംബന്ധിച്ചു.
കുന്ദമംഗലം പഞ്ചായത്ത് മുസ്ലിം യൂത്ത് ലീഗ് പ്രവര്‍ത്തകര്‍ രക്തം ദാനം നല്‍കി
