പെരിങ്ങൊളം ഹയർ സെക്കന്ററി സ്കൂളിലെ എൻ. എസ്. എസ് ക്യാമ്പ് സമാപിച്ചു. ———————————————–പെരിങ്ങൊളം ഗവണ്മെന്റ് ഹയർ സെക്കന്ററി സ്കൂളിലെ നാഷണൽ സർവീസ് സ്‌ക്കിമിന്റെ സപ്ത ദിന സഹവാസ ക്യാമ്പ് സമാപിച്ചു. കുന്നമംഗലം ഈസ്റ്റ്‌ എ. യു. പി സ്കൂളിൽ നടന്ന ക്യാമ്പിൽ വൈവിധ്യമാർന്ന പ്രവർത്തനങ്ങൾ നടത്തി. മഹാത്മാ ഗാന്ധിയുടെ നൂറ്റമ്പതാം ജന്മ വാർഷികത്തോട് അനുബന്ധിച്ചു ഗാന്ധി സ്മൃതി പരിപാടികൾ നടത്തി. സമാപന സമ്മേളനം പെരുവയൽ ഗ്രാമ പഞ്ചായത്ത്‌ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ ശറഫുദ്ധീൻ ഉദ്ഘാടനം ചെയ്തു. സ്വാഗത സംഘ ചെയർമാൻ വാർഡ് മെമ്പർ ഷംജിത് അധ്യക്ഷം വഹിച്ചു. എ യു പി സ്കൂൾ പി ടി എ പ്രസിഡന്റ്‌ ബനീഷ്, പെരിങ്ങൊളം ഹയർ സെക്കന്ററി പി ടി എ പ്രസിഡന്റ്‌ ആർ. വി. ജാഫർ, പ്രിൻസിപ്പൽ പി അജിത, എസ് എം സി ചെയർമാൻ ശബരീശൻ, ഹെഡ്മിസ്ട്രസ് എ സി ഗീത, വി സി സേതുമാധവൻ, മുഹമ്മദ് ഹാഷിർ എന്നിവർ സംസാരിച്ചു. എൻ എസ് എസ് പ്രോഗ്രാം ഓഫീസർ യു കെ അനിൽകുമാർ ക്യാമ്പ് റിപ്പോർട്ട്‌ അവതരിപ്പിച്ചു. വോളണ്ടിയർമാർ ക്യാമ്പ് അനുഭവങ്ങൾ പങ്കു വെച്ചു.
പെരിങ്ങൊളം ഹയർ സെക്കന്ററി സ്കൂളിലെ എൻ. എസ്. എസ് ക്യാമ്പ് സമാപിച്ചു.
