കുന്ദമംഗലം ബ്ലോക്ക് കേരളോത്സവം : പെരുവയൽ ജേതാക്കൾ

കുന്ദമംഗലം: ബ്ലോക്ക് പഞ്ചായത്ത് കേരളോത്സവത്തിൽ 302 പോയിന്റോടെ പെരുവയൽ ഗ്രാമപഞ്ചായത്ത് ഓവറോൾ കിരീടം നേടി. 233 പോയിന്റ് നേടി കുന്ദമoഗലം രണ്ടാം സ്ഥാനത്തെത്തി. 136 പോയിന്റുമായി കാരശ്ശേരിയാണ് മൂന്നാമത്. കലാവിഭാഗത്തിൽ 101 ഉം കായികവിഭാഗത്തിൽ 201 ഉം പോയിന്റുകൾ നേടി പെരുവയൽ മുമ്പിലെത്തിയപ്പോൾ ഇരുവിഭാഗത്തിലും യഥാക്രമം 84,149 പോയിന്റുകൾ നേടി കുന്ദമംഗലം രണ്ടാമതെത്തി. കലയിൽ കുരുവട്ടൂരിനും കായികത്തിൽ കാരശ്ശേരിക്കുമാണ് മൂന്നാം സ്ഥാനം. ക്ലബ്ബുകളിൽ 76 പോയിന്റ് നേടി കെ.പി. ഗോവിന്ദൻ കുട്ടി സ്മാരക വായനശാല ചെറുകുളത്തുർ ഒന്നാം സ്ഥാനവും 69 പോയിന്റോടെ അഭിലാഷ് പുവ്വാട്ട് പറമ്പ് രണ്ടാം സ്ഥാനവും 56 പോയിന്റോടെ യംഗ്സ്റ്റർ പെരുവയൽ മൂന്നo സ്ഥാനവും നേടി.
വിജയികൾക്ക് ബ്ലോക്ക് പഞ്ചായത്ത് പ്രസിഡണ്ട് വിജി മുപ്രമ്മൽ സമ്മാനദാനം നിർവ്വഹിച്ചു
പെരുവയൽ ഗ്രാമ പഞ്ചയത്ത് പ്രസിഡണ്ട് വൈ.വി.ശാന്ത ,കുന്ദമംഗലം ഗ്രാമ പഞ്ചായത്ത് പ്രസിഡണ്ട് ലീന വാസുദേവ് ,ബ്ലോക്ക് സ്റ്റാന്റിംഗ് കമ്മിറ്റി ചെയർമാൻമാരായ കെ.പി.അബ്ദുറഹിമാൻ ,ത്രിപുരി പുളോറ,ടി.കെ.റംല ,രവി കുമാർ പനോളി, ജി.ഇ.ഒ .ദീപ ,കേരളോത്സവം കോ ഓർഡിനേറ്റർ ശശിധരൻ പ്രസംഗിച്ചു.