കോടഞ്ചേരി: ബൈക്ക് അപകടത്തെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന കോടഞ്ചേരി ഗ്രാമ പഞ്ചായത്ത് അംഗം വാവലുകുന്നേൽ ഷിജി തോമസ് മരിച്ചു.
ഇന്ന് വെളുപ്പിന് അഞ്ചു മണിയോടെയാണ് മരണം സംഭവിച്ചത്.
കോടഞ്ചേരി ഗ്രാമ പഞ്ചായത്തിലെ എട്ടാം വാർഡിൽ നിന്നുള്ള സി പി ഐ (എം) അംഗമാണ് ഷിജി.
ഞായറാഴ്ച രാത്രി എട്ട് മണിയോടെ ചെമ്പുകടവ് തുഷാരഗിരി റോഡിൽ വെച്ച് നിയന്ത്രണം വിട്ട ബൈക്ക് റോഡിന് താഴേക്ക് മറിഞ്ഞാണ് അപകടമുണ്ടായത്.
സംസ്കാരം ഇന്ന് (19-11-2019- ചൊവ്വ) വൈകുന്നേരം വലിയ കൊല്ലി സെന്റ് അൽഫോൻസാ പള്ളിയിൽ.