കുന്ദമംഗലം: കഴിഞ്ഞ പ്രളയക്കെടുതിയിൽ സമയബന്ധിതമായും ആത്മാർത്ഥമായും സേവനം കാഴ്ച വെച്ച കുന്ദമംഗലം സെക്ഷനിലെ വൈദ്യുതി ജീവനക്കാരെ സമഭാവന അയൽപക്ക വേദി ആദരിച്ചു. കുന്ദമംഗലം സാസ്കാരിക നിലയത്തിൽ നടന്ന ചടങ്ങിൽ അഡ്വ: പി.ടി.എ റഹീം എം. എൽ.എ. ഉപഹാര സമർപ്പണം നടത്തി. കുന്ദമംഗലം ഗ്രാമ പഞ്ചായത്ത് പ്രസിഡണ്ട് ഷൈജ വളപ്പിൽ മുഖ്യാതിഥിയായി.സമഭാവന പ്രസിഡണ്ട് എ.കെ.ബിജു അദ്ധ്യക്ഷത വഹിച്ചു.വാർഡ് മെമ്പർമാരായ അസ്ബിജ, എം.വി.ബൈജു, സെക്രട്ടറി ജയപ്രകാശൻ, രവീന്ദ്രൻ കുന്ദമംഗലം, അസി.എക്സിക്യൂട്ടീവ് എഞ്ചിനിയർ മോളിജ, അസി.എഞ്ചിനിയർ അജിത്, ടി.ദിനേശൻ മാസ്റ്റർ എന്നിവർ പ്രസംഗിച്ചു. (photo: പ്രളയക്കെടുതിയിൽ ആത്മാർത്ഥമായ സേവനം കാഴ്ച വെച്ച കുന്ദമംഗലം സെക്ഷനിലെ വൈദ്യുതി ജീവനക്കാർക്ക് സമഭാവന അയൽപക്ക വേദിയുടെ ഉപഹാരം അഡ്വ: പി.ടി.എ റഹീം എം. എൽ.എ. നൽകുന്നു)
പ്രളയക്കെടുതിയിൽ സമയബന്ധിതമായും ആത്മാർത്ഥമായും സേവനം കാഴ്ച വെച്ച കുന്ദമംഗലം സെക്ഷനിലെ വൈദ്യുതി ജീവനക്കാരെ സമഭാവന അയൽപക്ക വേദി ആദരിച്ചു.
