കുന്ദമംഗലം ചൂലാംവയൽ മാക്കൂട്ടം എ എം യു പി സ്കൂൾ പി ടി എ യുടെ നേതൃത്വത്തിൽ പ്രളയബാധിതരെ സഹായിക്കാനായി “സ്നേഹക്കൂട്ടുമായി മാക്കൂട്ടവും” പദ്ധതിയിൽ സമാഹരിച്ച സാധനങ്ങൾ വയനാട് ജില്ലയിലെ പനമരം അഞ്ച്കുന്ന് കബനി പുഴയുടെ തീരത്തുള്ള കോളനിയിൽ വിതരണം ചെയ്തു.പി ടി എ പ്രസിഡണ്ട് വി പി സലീമിന്റെ അദ്ധ്യക്ഷതയിൽ പനമരം ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ശ്രീമതി ജയന്തി രാജ് വിതരണോദ്ഘാടനം നിർവ്വഹിച്ചു. മാതൃസമിതി ചെയർപേഴ്സൺ എ പി സാജിത,കെ എം ഗിരീഷ്, മുഹമ്മദ് മാസ്റ്റർ, ഒ കെ ഷൗക്കത്തലി, ടി കബീർ, ടി ശംസുദ്ധീൻ, തെൻസി, നസീറ, സുഹറ, നാസർ പനമരം, ഭാസ്ക്കരൻ എന്നിവർ നേതൃത്വം നൽകി.
മാക്കൂട്ടം സ്കൂൾ പ്രളയബാധിതർക്കുള്ള സഹായം വിതരണം ചെയ്തു.
