കുന്ദമംഗലം: ചെത്തുക്കടവില്‍ വെച്ച് വാഹനാപകടത്തില്‍ പരിക്കേറ്റ വിദ്യാര്‍ഥി മരിച്ചു. ചെത്തുക്കടവ് ശ്രീനാരായണ കോളേജ് ബികോം വിദ്യാര്‍ഥിയും യൂത്ത് കോണ്‍ഗ്രസ് കാരന്തൂര്‍ യൂണിറ്റ് സെക്രട്ടറിയുമായ കാരന്തൂര്‍ മനത്താനത്ത് ശിവശങ്കരന്‍റെ മകന്‍ ശരത് (20) ആണ് മരിച്ചത്. ബുധനാഴ്ച രാവിലെ ചെത്തുക്കടവിന് സമീപം താഴെ വരിയട്ട്യാക്ക് മദ്രസക്ക് സമീപമാണ് അപകടം. മെഡിക്കല്‍കോളേജ് ആശുപത്രില്‍ ചികിത്സയിലായിരുന്ന ശരത് ശനിയാഴ്ച ഉച്ചയോടെ മരണത്തിന് കീഴടങ്ങുകയായിരുന്നു. ഇയാള്‍ക്കൊപ്പം സഞ്ചരിച്ച സുഹൃത്തുക്കളായ മയനാട് സ്വദേശി സുബിന്‍ (20) കോട്ടാംപറമ്പ് സ്വദേശി അതുല്‍ (20) എന്നിവര്‍ക്കും പരിക്കേറ്റിട്ടുണ്ട്. ഇതില്‍ സുബിന്‍റെ നില ഗുരുതരമായി തുടരുകയാണ് ഇവര്‍ മെഡിക്കല്‍കോളേജ് ആശുപത്രിയില്‍ ചികിത്സയിലാണ്. മാതാവ്‌ ശ്രീജ. സഹോദരന്‍ സഞ്ജയ്‌.
ചെത്തുകടവ് വെച്ച് വാഹനപകടത്തിൽ പരിക്കേറ്റ ശരത് മരിച്ചു
