കുന്ദമംഗലം: ഗ്രാമ പഞ്ചായത്തും MFA പതിമംഗലവും സംയുക്തമായി സംഘടിപ്പിച്ച മൂന്നാമത് LP, UP സ്കൂൾ തല ഫുട്ബോൾ ടൂർണ്ണമെൻറിൽ ചൂലാം വയൽ മാക്കൂട്ടം എ എം യു പി സ്കൂൾ ഇരട്ട കിരീടം നേടി. LP വിഭാഗത്തിൽ അൽജൗഹർ സ്കൂളിനെ രണ്ടിനെതിരെ ആറ് ഗോളുകൾക്കും UP വിഭാഗത്തിൽ കുന്ദമംഗലം ഹൈസ്കൂൾ യു പി യെ ഒന്നിനെതിരെ രണ്ട് ഗോളുകൾക്കും പരാജയപ്പെടുത്തി. പി.ടി എ റഹീം MLA യും ഗ്രാമ പഞ്ചായത്ത് പ്രസിഡന്റ് ഷൈജ വളപ്പിലും ട്രോഫികൾ സമ്മാനിച്ചു.
കെ.പി.കോയ, ടി.കെ സൗദ, ടി.കെ ഹിതേഷ് കുമാർ, ശ്രീബ ഷാജി, എ.കെ ഷൗക്കത്തലി, എം ബാബുമോൻ, കെ അഷ്റഫ് എന്നിവർ സംസാരിച്ചു.
വിജയികൾ ആഹ്ലാദ പ്രകടനം നടത്തി. ഹെഡ്മാസ്റ്റർ പി.അബ്ദു സലീം, പി ടി എ പ്രസിഡന്റ് കെ.എം ഗിരീഷ്, വി.പി സലീം പി.ജമാലുദീൻ മാസ്റ്റർ, വി.പി ആശിർ, ടി.ശംസുദ്ദീൻ, ഷമീർ മാസ്റ്റർ എന്നിവർ നേതൃത്വം നൽകി.