പന്തീരാങ്കാവ്: ബൈക്കിൽ കാറിടിച്ച് പെരുമണ്ണ ഇരുമ്പുച്ചീടത്തിൽ സിയ്യാലി (76) മരിച്ചു. മകളുടെ വിവാഹം ക്ഷണിച്ച് തിരിച്ച് വരുമ്പോൾ ചേളാരിക്ക് സമീപം വെളിമുക്കിൽ വെച്ച് ചൊവ്വാഴ്ച വൈകിട്ട് മൂന്ന് മണിയോടെയാണ് അപകടം.
ബന്ധുവായ മോട്ടമ്മൽ അബ്ദുറഹിമാനൊപ്പം ബൈക്കിൽ വീട്ടിലേക്ക് തിരിച്ച് വരുമ്പോഴാണ് കാറിടിച്ചത്. പരിക്കേറ്റ ഇരുവരേയും മെഡിക്കൽ കോളേജ് ആശുപത്രിയിലേക്ക് കൊണ്ട് വരുന്ന വഴി മദ്ധ്യേയാണ് സിയ്യാലി മരണപ്പെട്ടത്. അബ്ദുറഹിമാൻ മെഡിക്കൽ കോളേജ് ആശുപത്രിയിൽ ചികിത്സയിലാണ്.
ഈ മാസം 20 നാണ് സിയ്യാലിയുടെ ഏകമകളുടെ വിവാഹം. ബന്ധുവീടുകളിൽ ക്ഷണിച്ച് തിരിച്ച് വരുമ്പോഴാണ് സംഭവം. മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ.ഖബറക്കം ബുധനാഴ്ച പുതിയ പറമ്പത്ത് ജുമഅത്ത് പള്ളി ഖബറിസ്ഥാനിൽ.
ഭാര്യ: ഖദീജ
മക്കൾ: മഹ്റൂഫ, ഫഹറുദ്ധീൻ
സഹോദരൻ: കുഞ്ഞർമു