സംസ്ഥാന വോളിബോൾ ചാമ്പ്യൻഷിപ്പിന് ഉജ്വല തുടക്കം
കുന്ദമംഗലം: 48-ാമത് സംസ്ഥാന സീനിയർ വോളിബോൾ ചാമ്പ്യൻഷിപ്പിന് ഉജ്വല തുടക്കം. കുന്ദമംഗലം സിന്ധുതിയേറ്ററിനടുത്ത് പ്രത്യേകം തയ്യാറാക്കിയ ഫ്ലഡ് ലിറ്റ് സ്റ്റേഡിയത്തിലെ ചാമ്പ്യൻഷിപ്പ്പ് പി.ടി.എ റഹീം എം.എൽ എ ഉദ്ഘാടനം ചെയ്തു സ്വാഗത സംഘം ചെയർമാൻ കെ.പി. വസന്തരാജ് അധ്യക്ഷത വഹിച്ചു വോളിബോൾ അസോസിയേഷൻ സംസ്ഥാന പ്രസിഡണ്ട് ചാർലി ജേക്കബ് സംസ്ഥാന പതാകയും ജില്ലാ പ്രസിഡണ്ട് സി. സത്യൻ ജില്ലാ പതാകയും എം.കെ. മുഹ്സിൻ സാന്റോസിന്റെ പതാകയും ഉയർത്തി. വോളിബോള്‍ അസോസിയേഷന്‍ സംസ്ഥാന പ്രസിഡണ്ട് പ്രൊഫസർ നാലകത്ത് ബഷീർ ചാമ്പ്യന്‍ഷിപ്പിനെ കുറിച്ച് വിശദീകരിച്ചു. പബ്ലിസിറ്റി കമ്മറ്റി കണ്‍വീനര്‍ റിഷാദ് കുന്ദമംഗലം, വാര്‍ഡ്‌ മെമ്പര്‍ ടി.കെ. സീനത്ത്, കെ.മൊയ്തീൻകോയ, പി.കെ. ബാപ്പു ഹാജി, തെഞ്ചേരി വേലായുധൻ, ഷാജി കാരന്തൂര്‍,ചാമ്പ്യന്‍ഷിപ്പ് കമ്മറ്റി കണ്‍വീനര്‍ സി.യുസഫ് സ്വാഗതവും അരിയിൽ അലവി നന്ദിയും പറഞ്ഞു.
ആദ്യ മത്സരത്തിൽ വനിതാ വിഭാഗം വയനാടിനെ പരാജയപെടുത്തി തിരുവനന്തപുരം വിജയിച്ചു പുരുഷവിഭാഗത്തിൽ കോഴിക്കോടിനെ പരാജയപ്പെടുത്തി പാലക്കാട് വിജയിച്ചു