കുന്ദമംഗലം: പത്ര വിതരണത്തിന് പോയ യുവാവിനെ കാണാനില്ലെന്ന് പരാതി. കുന്ദമംഗലം പന്തീര്‍പാടം കാരകുന്നുമ്മല്‍ മാധവന്‍റെ മകന്‍ ലിനീഷ് ബാബു (38) നെയാണ് കാണാനില്ലെന്ന് കാണിച്ച് ബന്ധുക്കള്‍ കുന്ദമംഗലം പോലീസില്‍ പരാതി നല്‍കിയത്. വ്യാഴാഴ്ച രാവിലെ പുലര്‍ച്ചെ അഞ്ച് മണിയോടെ വീട്ടില്‍ നിന്ന് കാരന്തൂര്‍ ഭാഗത്ത് പത്ര വിതരണം ചെയ്യാന്‍ പോയ ഇയാള്‍ ഹരഹര ക്ഷേത്രം പരിസരത്ത് ചില വീടുകളില്‍ പത്രം വിതരണം ചെയ്തിട്ടുണ്ടെങ്കിലും തൊട്ടടുത്ത സ്ഥലങ്ങളില്‍ പത്രം വിതരണം ചെയ്തിട്ടില്ല. താമരശ്ശേരി ഫെഡറല്‍ ബാങ്ക് ജീവനക്കാരനായ ലിനീഷ് ഭാര്യയുടെ പ്രസവവുമായി ബന്ധപ്പെട്ട് വ്യാഴാഴ്ച ലീവ് അറിയിച്ചിരുന്നു. എന്നാല്‍ പത്രം വിതരണത്തിന് പോയതിന് തിരിച്ചു വരാത്തതിനെ തുടര്‍ന്ന് ബന്ധുക്കള്‍ ബാങ്കുമായി ബന്ധപ്പെട്ടപ്പോള്‍ ബാങ്കിലും ഭാര്യാവീട്ടിലും എത്തിയില്ലെന്ന വിവരം ലഭിച്ചതോടെയാണ് പോലീസില്‍ പരാതി നല്‍കിയത്. ഇയാള്‍ സഞ്ചരിച്ച സ്കൂട്ടര്‍ പോലീസ് മുണ്ടിക്കല്‍താഴം വെച്ച് കണ്ടെത്തി. പണമിടപാടുമായി ബന്ധപ്പെട്ട് ആരോ തട്ടിക്കൊണ്ടുപോയതായാണ് സൂചന. പോലീസും സൈബര്‍ സെല്ലും അന്വേഷണം ഊര്‍ജ്ജിതമാക്കി.
കാരന്തൂരിൽ വെച്ച്പത്ര വിതരണത്തിന് പോയ യുവാവിനെ കാണാനില്ലെന്ന് പരാതി; പന്തീര്‍പാടം കാരകുന്നുമ്മല്‍ ലിനീഷ് ബാബുവിനെയാണ് കാണാതായത്
