കുന്ദമംഗലം : പാതയോരങ്ങളിലും പൊതുസ്ഥലങ്ങളിലും സ്ഥാപിച്ചിട്ടുള്ള അനധികൃത കൊടികൾ, ഫ്ലെക്സ് ബോർഡുകൾ, ബാനറുകൾ എന്നിവ അടിയന്തരമായി നീക്കം ചെയ്യാൻ കുന്ദമംഗലം ഗ്രാമ പഞ്ചായത്ത് വിളിച്ചു ചേർത്ത സർവ്വകക്ഷി യോഗം തീരുമാനിച്ചു. പൊതുവഴികളിലും പാതയോരങ്ങളിലും ഇത്തരത്തിൽ അനധികൃതമായി സ്ഥാപിച്ചുള്ള ബോർഡുകൾ , ബാനുകൾ , കൊടി തോരണങ്ങൾ , ഹോർഡിംഗുകൾ എന്നിവ നീക്കം ചെയ്യണമെന്ന ബഹുമാനപ്പെട്ട ഹൈക്കോടതിയുടെ കർശന ഉത്തരവ് നടപ്പിലാക്കുന്നതിൽ ഉണ്ടായ വീഴ്ചകൾ പരിഹരിക്കുന്നതിനാണ് അടിയന്തര യോഗം ചേർന്നത്.
കോടതി നിർദ്ദേശപ്രകാരം നിയമലംഘനം നടത്തുന്നവർക്കെതിരെ കർശന നിയമനടപടികൾ സ്വീകരിക്കുന്നതിനും, ബോർഡുകൾ മാറ്റാത്തപക്ഷം പിഴയിനത്തിൽ 5000/ രൂപയും , ആയത് മാറ്റി ശാസ്ത്രീയമായി സംസ്കരിക്കുന്നതിനുൾപ്പെടെയുള്ള ചിലവും ഈടാക്കുന്നതുൾപ്പെടെയുള്ള നടപടികളിലേക്ക് നീങ്ങാനും , പോലീസ് സഹായത്തോടെ FIR രജിസ്റ്റർ ചെയ്ത് പ്രോസിക്യൂഷൻ നടപടികൾ സ്വീകരിക്കുന്നതിനും യോഗം തീരുമാനിച്ചു. മുഴുവൻ രാഷ്ട്രീയ പാർട്ടികളും സംഘടനകളും വ്യാപാരി കളും തങ്ങളുടെ അനധികൃത ബോർഡുകൾ സ്വമേധയാ നീക്കം ചെയ്ത് കോടതി ഉത്തരവ് നടപ്പിലാക്കാൻ സഹകരിക്കണമെന്ന് പഞ്ചായത്ത് അധികൃതർ അറിയിച്ചു. പ്രസിഡണ്ട് സി.വി. സംജിത്ത് അധ്യക്ഷത വഹിച്ചു. ഗ്രാമപഞ്ചായത്ത് സെക്രട്ടറി കെ. സീനത്ത് , വൈസ് പ്രസിഡണ്ട് ഷംസീറ ഷെമീർ , സ്റ്റാൻ്റിംഗ് കമ്മറ്റി ചെയർമാൻമാരായ ഹിതേഷ് കുമാർ ( വികസനം ) , എം. ബാബു മോൻ ( ക്ഷേമകാര്യം ) , ശ്രീബ്ര പുൽകുന്നുമ്മൽ ( ആരോഗ്യം ) വിവിധ രാഷ്ട്രീയ പാർട്ടി പ്രതിനിധി കളായ ബാബു നെല്ലൂളി ( കോൺഗ്രസ് ) , വി.പി ഷിനിൽ ( സി. പി. ഐ എം ) , ഹബീബ് കാരന്തൂർ ( മുസ്ലിം ലീഗ് ) , ജനാർദ്ദനൻ കളരികണ്ടി ( സി.പി.ഐ ) , ജിതേഷ് കെ. കെ. ( ബി. ജെ.പി ) , ജയശങ്കർ ( കേരള വ്യാപാരിവ്യവസായി ഏകോപന സമിതി ) തുടങ്ങിയവർ പങ്കെടുത്തു
About the Author
