കുന്ദമംഗലം :- പയമ്പ്ര അരുണോദയം വായനശാല &ലൈബ്രറി യുടെ ഗ്രന്ഥശാല ദിനാഘോഷം പുതുമയുള്ളതായി. ആയിരം പൂർണ ചന്ദ്രന്മാരെ ദർശിച്ച് ശതാഭിഷേകം പൂർത്തിയാക്കിയ പ്രദേശത്തെ ഏറ്റവും മുതിർന്ന സാഹിത്യകാരൻ പി. ഗംഗാധരൻ നായരെ പൊന്നാട അണിയിച്ച് ആദരിച്ചുകൊണ്ടായിരുന്നു ഇത്തവണത്തെ ഗ്രന്ഥശാല ദിനാഘോഷം.. വായനശാല പ്രസിഡന്റ് എം. ബാലകൃഷ്ണൻ നായർ അധ്യക്ഷത വഹിക്കുകയും ഗംഗാധരൻ നായരെ പൊന്നാട ചാർത്തി ആദരിക്കുകയും ചെയ്തു. കൂടാതെ പ്രദേശത്തെ നവാഗത എഴുത്തുകാരായ സുധേഷ് “ചിത്തിര “, അജേഷ് പൊയിൽ താഴം, എന്നിവരെയും പൊന്നാട ചാർത്തി ആദരിച്ചു.. എഴുത്തുകാർ അവരുടെ ഏറ്റവും പുതിയ പുസ്തകങ്ങൾ വായനശാലക്ക് ഉപഹാരമായി നൽകി. ലൈബ്രറി കൗൺസിൽ മേഖല സമിതി കൺവീനർ കെ. മോഹൻദാസ് പരിപാടി ഉദ്ഘാടനം ചെയ്തു. വായന ശാലയുടെ സ്ഥാപക അംഗവും, കെട്ടിടം നിർമിക്കാൻ സൗജന്യമായി സ്ഥലം വിട്ടു നൽകിയ ചെറാത്ത് ശ്രീധരൻ നായർ, മുൻ ഭാരവാഹി കൃഷ്ണൻ കുട്ടി. പി. എം. എന്നിവരെയും പൊന്നാട ചാർത്തി ആദരിച്ചു.. മികച്ച വായന ക്കാരനായി ഇ. ടി. ബാലകൃഷ്ണൻ തെരഞ്ഞെടു ക്കപ്പെട്ടു. പി. ശ്രീനിവാസൻ നായർ, കെ. സി. ഭാസ്കരൻ മാസ്റ്റർ, കെ.. ബാലകൃഷ്ണൻ നായർ, സജിത്ത് കുമാർ, രാമചന്ദ്രൻ നായർ, അനിഷ സുധേഷ് എന്നിവർ സംസാരിച്ചു. രാവിലെ പതാക ഉയർത്തലും വൈകീട്ട് അക്ഷര ജ്യോതി തെളിയിക്കലും നടന്നു.
About the Author
