കുന്ദമംഗലം : ഹയർ സെക്കൻഡറി സ്കൂൾ സെന്ററിന്റെ 75-ാം വാർഷികാഘോഷത്തിന്റെ ഭാഗമായി സംഘടിപ്പിക്കുന്ന ‘പൊപ്പോലോ ഫെസ്റ്റ്’ നവംബർ 13, 14, 15 തീയതികളിൽ കുന്ദമംഗലത്ത് നടക്കും. പരിപാടിയുടെ സി.വി. സംഘാടക സമിതി വാർത്താസമ്മേളനത്തിൽ പ്രഖ്യാപിച്ചു.
മൂന്ന് ദിവസങ്ങളിലായി വിവിധ കലാ-സാംസ്കാരിക പരിപാടികൾ, വിദ്യാർഥികൾക്കായുള്ള മത്സരങ്ങൾ, ഭക്ഷ്യമേള, വ്യാപാര സ്റ്റാളുകൾ, കുടുംബസംഗമം, വിനോദ പരിപാടികൾ എന്നിവ ഫെസ്റ്റിന്റെ ഭാഗമായി നടക്കും. പൂർവവിദ്യാർഥികളും അധ്യാപകരും നാട്ടുകാരും ഒരുമിക്കുന്ന വേദിയായാണ് ഫെസ്റ്റ് ഒരുക്കുന്നതെന്ന് സംഘാടകർ അറിയിച്ചു.
നവംബർ 13 മുതൽ 15 വരെ വിവിധ മേഖലകളിലെ പ്രമുഖരുടെ പങ്കാളിത്തത്തോടെ പരിപാടികൾ നടക്കും. വാർത്താസമ്മേളനത്തിൽ ഗ്രാമ പഞ്ചായത്ത് പ്രസിഡണ്ട് സി.വി. സംജിത്ത് , പ്രിൻസിപ്പാൾ കെ. കല, ടി.പി. സിദ്ദിഖ്, വി. അനിൽകുമാർ, എം. ബാബുമോൻ, പി. വിനീത്, ബിനീഷ് പുരുഷോത്തമൻ, പി. വിനീത് എന്നിവർ പങ്കെടുത്തു.
About the Author
