കുന്ദമംഗലം: ബ്ലോക്ക് പഞ്ചായത്തിലെ നീർച്ചാലുകളുടെ ജനകീയ മാപ്പിംഗ് പ്രകാശനം ചെയ്തു. കൃഷി വകുപ്പ് മന്ത്രി ടി. സിദ്ദീഖ്, എം.എ. റസാഖ് എം.എൽ.എയ്ക്ക് നൽകി മാപ്പിന്റെ പ്രകാശനം നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് വിനോദ് പടനിലം അധ്യക്ഷനായി.
ബ്ലോക്ക് പഞ്ചായത്ത് പരിധിയിലെ നീർച്ചാലുകളും തോടുകളും മറ്റ് ജലസ്രോതസ്സുകളും ജനകീയ പങ്കാളിത്തത്തോടെ കണ്ടെത്തി രേഖപ്പെടുത്തിയതാണ് മാപ്പ്. പ്രദേശത്തെ ജലസ്രോതസ്സുകളുടെ സംരക്ഷണത്തിനും പുനരുജ്ജീവനത്തിനും ശാസ്ത്രീയമായ ഇടപെടലുകൾ ആസൂത്രണം ചെയ്യുന്നതിനും മാപ്പിംഗ് സഹായകരമാകും.
നീർച്ചാലുകളുടെ സ്വാഭാവിക നീരൊഴുക്ക് തടസ്സപ്പെടുന്ന പ്രദേശങ്ങൾ കണ്ടെത്തുന്നതിനും മാലിന്യവും മണ്ണും അടിഞ്ഞുകൂടിയ ഭാഗങ്ങൾ തിരിച്ചറിഞ്ഞ് ശുചീകരണ പ്രവർത്തനങ്ങൾ നടത്തുന്നതിനും മാപ്പ് പ്രയോജനപ്പെടും. മഴക്കാലത്ത് വെള്ളക്കെട്ടും പ്രളയസാധ്യതയും കുറയ്ക്കുന്നതിനുള്ള പ്രവർത്തനങ്ങൾ ആസൂത്രണം ചെയ്യാനും ഇതിലൂടെ സാധിക്കും.
ചടങ്ങിൽ ജനപ്രതിനിധികൾ, ഉദ്യോഗസ്ഥർ, കർഷക പ്രതിനിധികൾ, സാമൂഹിക പ്രവർത്തകർ തുടങ്ങിയവർ പങ്കെടുത്തു.
കുന്ദമംഗലം ബ്ലോക്ക് പഞ്ചായത്ത് നീർച്ചാലുകളുടെ ജനകീയ മാപ്പിംഗ് പ്രകാശനം കൃഷി വകുപ്പ് മന്ത്രി ടി സിദ്ദീഖ് നിർവ്വഹിക്കുന്നു
About the Author
