ഹബീബ് കാരന്തൂർ
കുന്ദമംഗലം ;ഐ ഐ എം ഏരിയ റസിഡൻറ്സ് അസോസിയേഷൻ പതിനൊന്നാമത് വാർഷിക പൊതുയോഗം സംഘടിപ്പിച്ചു.
പ്ലാസ്റ്റിക്കടക്കമുള്ള മാലിന്യങ്ങൾ സമയബന്ധിതമായി വേർതിരിച്ച് നീക്കം ചെയ്യുന്നതിൽ കുന്ദമംഗലം പഞ്ചായത്തും ഹരിത കർമ്മ സേനയും മാതൃകാപരമായ സേവനം കാഴ്ചവെക്കുന്നതായി യോഗം വിലയിരുത്തി. കൂടാതെ സർക്കാരിൻറെ തൂഫാൻ എന്ന ലഹരി വിരുദ്ധ പദ്ധതി ഏറ്റെടുത്ത് വിജയിപ്പിക്കുന്നതിനും വളർന്നുവരുന്ന തലമുറയെ ലഹരിയുടെ നീരാളി പിടുത്തത്തിൽനിന്ന് രക്ഷിക്കുന്നതിനു വേണ്ടി എല്ലാവരും മുന്നിട്ടിറങ്ങുവാനും തീരുമാനിച്ചു.
പ്രസിഡൻറ് ധർമ്മൻ പാലക്കൽ അധ്യക്ഷതവഹിച്ചു. വൈസ് പ്രസിഡൻറ് ശില്പ സുഭാഷ് അനുശോചന പ്രമേയവും, സെക്രട്ടറി അനീഷ് എരമംഗലത്ത് പ്രവർത്തന റിപ്പോർട്ടും, ട്രഷറർ ഷാജു അടുക്കത്ത് വരവ് ചെലവ് കണക്കും അവതരിപ്പിച്ചു ചർച്ച നടത്തി പൊതുയോഗത്തിന്റെ അംഗീകാരം നേടി.
യോഗത്തിൽ ആശംസകൾ അർപ്പിച്ചുകൊണ്ട് സഹദേവൻ നായർ ,മോഹനൻ പടിഞ്ഞാറെ കുന്നത്ത്, ശശിധര വാരിയർ, ഷൗക്കത്തലി നെടുങ്കണ്ടത്തിൽ, ജോസ് കണ്ണാടി തുണ്ടിയിൽ, പ്രണവം ശ്രീധരൻ നായർ,ഹഫ്സ അസൈൻ മലവയൽ എന്നിവർ സംസാരിച്ചു.
തുടർന്ന് അസോസിയേഷൻ്റെ പുതിയ കമ്മിറ്റി തിരഞ്ഞെടുപ്പിന് ജോസ് കണ്ണാടി തുണ്ടിയിൽ, സുമന ടീച്ചർ എന്നിവർ നേതൃത്വം നൽകി 15 അംഗകമ്മിറ്റിയെ ഭാവി പ്രവർത്തനങ്ങൾക്കായി തിരഞ്ഞെടുത്തു.
പുതിയ കമ്മിറ്റി ഭാരവാഹികൾ:
പ്രസിഡൻറ്: മോഹനൻ പടിഞ്ഞാറെ കുന്നത്ത്.
വൈസ് പ്രസിഡണ്ടുമാർ:
ശൈലേന്ദ്രൻ അടുക്കത്ത് പറമ്പ്, അഖില രൂപേഷ് അടുക്കത്ത്.
ജനറൽ സെക്രട്ടറി: വിജു അമൃത നാഥൻ മാസ്റ്റർ
ജോയിൻ സെക്രട്ടറിമാർ:
സുമയ്യ ജാബിർ നെടുങ്കണ്ടത്തിൽ, മഹേഷ് പൂള പറമ്പത്ത്
ട്രഷറർ: അനീഷ് എരമംഗലത്ത്.
About the Author
