കുന്ദമംഗലം: കാരന്തൂരിലെ കായിക-സാമൂഹിക രംഗത്തെ സജീവ സാന്നിധ്യമായ പാറ്റേൺ വോളി അക്കാദമി വിവിധ ജനപ്രതിനിധികൾക്ക് സ്വീകരണം നൽകി. വോളിബോൾ കളിയുടെ വളർച്ചയ്ക്കും യുവജനങ്ങളുടെ കായിക പ്രതിഭകൾ വളർത്തിയെടുക്കുന്നതിനുമൊപ്പം സാമൂഹിക, വിദ്യാഭ്യാസ, സാംസ്കാരിക മേഖലകളിലും മാതൃകാപരമായ പ്രവർത്തനങ്ങൾ നടത്തുന്ന അക്കാദമിയുടെ നേതൃത്വത്തിലാണ് പരിപാടി സംഘടിപ്പിച്ചത്.ചടങ്ങ് സംസ്ഥാന ആഭ്യന്തര വകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്തു. അക്കാദമി പ്രസിഡന്റ് എൻ. സുബ്രമണ്യൻ അധ്യക്ഷത വഹിച്ചു . എം.കെ. രാഘവൻ എം.പി മുഖ്യാതിഥിയായി.എം.എ. റസാഖ്മാസ്റ്റർ എം.എൽ.എ, ജില്ലാ പഞ്ചായത്ത് പ്രസിഡന്റ് മില്ലി മോഹൻ, വൈസ് പ്രസിഡന്റ് കെ.കെ. നവാസ്, പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൺ ബാലാമണി, ജില്ലാ പഞ്ചായത്ത് അംഗം സീന അശോകൻ, ബ്ലോക്ക് പഞ്ചായത്ത് പ്രസിഡന്റ് സി.കെ. ഫസീല, വൈസ് പ്രസിഡന്റ് വിനോദ് പടനിലം, കായികകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബബിത വിനോദ്, ഗ്രാമപഞ്ചായത്ത് പ്രസിഡന്റ് സി.വി. സംജിത്ത്, വൈസ് പ്രസിഡന്റ് സംഷീറ ഷമീർ, സ്റ്റാൻഡിങ് കമ്മിറ്റി അധ്യക്ഷരായ എം. ബാബുമോൻ, ടി.കെ. ഹിതേഷ് കുമാർ, ശ്രീബ ഷാജി, മെമ്പർമാരായ ദിനേഷ് കാരന്തൂർ, ബിജു പൂതക്കണ്ടി, സംഷാദ് നജീബ്, ഷൈജ വളപ്പിൽ, പി. പവിത്രൻ, അനിത ഏറങ്ങാട്ട്, സാമൂഹിക പ്രവർത്തകൻ ഷമീർ കുന്ദമംഗലം, പാറ്റേൺ സെക്രട്ടറി സി. യൂസുഫ്, ട്രഷറർ പി. ഹസ്സൻ ഹാജി, എന്നിവരെ ആദരിച്ചു.മുൻ എം.എൽ.എ യു.സി. രാമൻ, പാറ്റേൺ മുൻ പ്രസിഡന്റുമാരായ സൂര്യ ഗഫൂർ, മൂസ്സ ഹാജി, പി.ടി.എ പ്രസിഡന്റ് ടി.പി. നിധീഷ്, മദർ പി.ടി.എ പ്രസിഡന്റ് അഞ്ജിത ചന്ദ്രൻ, പാറ്റേൺ സെക്രട്ടറി അബ്ദുറഹ്മാൻ ഇടക്കുനി , കെ.സി അബു, ഖാലിദ് കിളിമുണ്ട, പി.കെ ബാപ്പു ഹാജി സംസാരിച്ചു.
About the Author
