കുന്ദമംഗലം : പന്തീർപാടത്തെ പൗരപ്രമുഖനും, സാമൂഹ്യ, സാംസ്ക്കാരിക ,രാഷ്ട്രീയ രംഗത്തെ നിറ സാനിദ്ധ്യവുമായ വടക്കയിൽ പോക്കർ സാഹിബിൻ്റെ പേരിൽ ഏർപ്പെടുത്തിയ, എക്സലൻസ് അവാർഡ് അഞ്ചാം വർഷവും വിതരണം ചെയ്തു. എസ് എസ് .എൽസി +2 , മദ്രസ്സ പൊതു പരീക്ഷയിൽ ഉന്നത വിജയം നേടിയവർ എന്നിവരെയാണ് അവർഡ് നൽകി ആദരിച്ചത്. പോക്കർ സാഹിബിൻ്റെ പേരക്കുട്ടിയും ഭൗതികശാസ്ത്രത്തിലെ”വൈറ്റ് ഹോൾ ” പ്രബന്ധമവതരിപ്പിച്ച് അമേരിക്കൻ യൂണിവേഴ്സിറ്റിയിൽ നിന്നും 10 ലക്ഷം രൂപ സ്ക്കോളർഷിപ്പ് നേടിയ ഹാബൽ അൻവറിനെയും ചടങ്ങിൽ ആദരിച്ചു. നോർത്ത് വ്യൂ ഓഡിറ്റോ റിയത്തിൽ നടന്ന ചടങ്ങ് മെഡിക്കൽ കോളേജ് അസി: പോലീസ് കമ്മീഷണർ കെ. എം. ബിജു ഉൽഘാടനം ചെയ്തു. കമ്മറ്റി ചെയർമാൻ ഖാലിദ് കിളിമുണ്ട അദ്ധ്യക്ഷം വഹിച്ചു. കൺവീനർ എം ബാബു മോൻ സ്വാഗതം പറഞ്ഞു . ജില്ല പഞ്ചായത്ത് മെമ്പർ സീന അശോകൻ, ബ്ലോക്ക് പഞ്ചായത്ത് ചെയർമാൻ എ.കെ. ഷൗക്കത്തലി, ഗ്രാമ പഞ്ചായത്തു മെമ്പർമാരായ മുനീർ വട്ടക്കണ്ടി, എ.സി ആയിഷബി, കെ.കെ.മിന്നത്ത്, എന്നിവർ പ്രസംഗിച്ചു. ഖത്തീബ് ശിഹാബുദ്ദീൻ മദനി,വി. മുഹമ്മദ്ഹാജി , എം നാസ്സർ. വടക്കയിൽ സലീം , വി.സി ബഷീർ, എ.പി.സഫിയ, ഷമീന വെള്ളക്കാട്ട്, അൻവർ അരീക്കാടത്ത്, ടി.സുഹൈല . ,കെ.കെ മുഹമ്മദ്,കെ.കെ. ഷമീൽ എം സുലൈമാൻ, എന്നിവർ സംബന്ധിച്ചു.
About the Author
