കുന്ദമംഗലം : ജനകീയപങ്കാളിത്തത്തോടെ പൂനൂർപുഴ ശുചീകരണം തുടങ്ങികുന്ദമംഗലം: ജില്ലയുടെ പ്രധാനജല ശ്രോതസ്സായ പൂനൂർപുഴയെ മാലിന്യ മുക്തമാക്കി അതിന്റെ സൗന്ദര്യം വീണ്ടെടുക്കുന്നതിനായി കുന്ദമംഗലം ഗ്രാമപഞ്ചായത്ത് മലബാർഗ്രൂപ്പിന്റെ പങ്കാളിത്തത്തോടെ പുഴശുചീകരണ പ്രവർത്തനങ്ങൾക്ക് തുടക്കമായി. പൂനൂർ പുഴ പുഞ്ചിരിക്കട്ടെ എന്ന പേരിൽ കുന്ദമംഗലം പഞ്ചായത്തിലെ താളിക്കുണ്ട് വയോജനക്ലബ്ബിൽ നടന്ന ചടങ്ങിൽ കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് സി.കെ.ഫസീല ശുചീകരണപ്രവൃത്തി ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡണ്ട് സി.വി.സംജിത്ത് അദ്ധ്യക്ഷത വഹിച്ചു. ഇന്ത്യൻഇൻസ്റ്റി റ്റ്യൂട്ട് ഓഫ് മാനേജ്മെന്റ് കോഴിക്കോട്, സി.ഡബ്ലിയു.ആർ.ഡി.എം എന്നീ സ്ഥാപനങ്ങളിലെ വിദഗ്ധരും കുടുംബശ്രീ, തൊഴിലുറപ്പ് പദ്ധതി, ഹരിതകർമ്മസേന എന്നീ സർക്കാർ സംവിധാനങ്ങളും പൂനൂർപുഴസംരക്ഷണസമിതി, നിറവ്, ഗ്രീൻവേംസ്, യുവജനക്ലബ്ബുകൾ, പ്രോവിഡൻസ് വിമൻസ് കോളേജിലെ അദ്ധ്യാപകരും വിദ്യാർത്ഥികളും ഉൾപ്പെടെ വലിയപൊതുജന പങ്കാളിത്തത്തോടെ നാടിന്റെ ഉത്സവമായാണ് ശുചീകരണ പ്രവർത്തനങ്ങൾ നടത്തുന്നത്.
പൂനൂർ പുഴയുടെ പല ഭാഗങ്ങളും ഇപ്പോഴും ഗുരുതരമായ മലിനീകരണം നേരിടുകയാണ്.ഇതേതുടർന്ന് പുഴയിൽ അടിഞ്ഞുകൂടിയ മാലിന്യങ്ങളും മരത്തടികളും മൺതിട്ടകളും മറ്റും നീക്കം ചെയ്ത് ഒഴുക്ക് സുഗമമാക്കുന്നതിന്നും പുഴയുടെ സൗന്ദര്യം വീണ്ടെടുക്കുന്നതിനുമുള്ള പ്രവർത്തനങ്ങളാണ് നടക്കുന്നത്. പടനിലം മുതൽ ക കാരന്തൂർ വരെ ഏകദേശം 7 കിലോമീറ്ററോളം ദൂരത്തിലാണ് പൂനൂർ പുഴയോരം ശുചീകരിക്കുന്നത്. ഉദ്ഘാടനചടങ്ങിൽ മലബാർഗ്രൂപ്പ് ചെയർമാൻ എം.പി.അഹമ്മദ്, മുൻ കലക്ടർ യുവി.ജോസ്, എ.കെ.നിഷാദ്, ബാബു(നിറവ്), പ്രൊഫ.അനൂപ് (ഐ.ഐ.എം.കെ), വിനോദ് പടനിലം, സീനഅശോകൻ, ഷംസീറസമീർ,എം.ബാബുമോൻ, ഗോഗുൽപി.ഉണ്ണികൃഷ്ണൻ, സുനിൽദാസ്, ഒ.സലീം, പി.ഷിനിൽ,ജിതേഷ് എന്നിവർ പ്രസംഗിച്ചു. ഷീബപുൽക്കുന്നുമ്മൽ സ്വാഗതവും ബിജുപൂതക്കണ്ടി നന്ദിയും പറഞ്ഞു.
About the Author
