കുന്ദമംഗലം: കോഴി ക്കോട് ചെലവൂരിൽ ബൈക്ക് ലോറിയിലിടിച്ച് യുവാവ് മരിച്ചു. കോണോട്ട് മഠത്തിൽ രാജന്റെ മകൻ അക്ഷയ് (24) ആണ് മരിച്ചത്.
ഇന്നലെ രാത്രി എട്ടുമണിയോടെ ചെലവൂർ ഗോപിക ഹോട്ടലിന് സമീപമുള്ള വളവിലാണ് സംഭവം. വയനാട് ഭാഗത്തേക്ക് പോവുകയായിരുന്ന ആന്ധ്ര രജിസ്ട്രേഷനിലുള്ള ലോറിയുടെ സൈഡിൽ ബൈക്ക് ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചു വീണ അക്ഷയിയെ ഉടൻ നിർമ്മല ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
തുടർന്ന് മൃതദേഹം മെഡിക്കൽ കോളേജ് ആശുപത്രിയിലെ മോർച്ചറിയിലേക്ക് മാറ്റി.
മാതാവ്: വിമല
സഹോദരി: അക്ഷയ
About the Author
