കുന്ദമംഗലം : 2016 ലെ പിടിഎ റഹീമിൻ്റെ തെരഞ്ഞെടുപ്പ് വാഗ്ദാനം നടപ്പായതായി കാണിക്കുന്നവർക്ക് 1പവൻ സ്വർണം നൽകുമെന്ന് മുസ്ലിം യൂത്ത് ലീഗ്കുന്ദമംഗലം നിയോജക മണ്ഡലം കമ്മറ്റി ഭാരവാഹികൾ വാർത്താ സമ്മേളന ത്തിൽ അറിയിച്ചു .
കുന്ദമംഗലം നിയോജക മണ്ഡലം എം എൽ എ പിടിഎ റഹീം 2016 ലെ പ്രകടന പത്രികയിൽ നൽകിയ വാഗ്ദാനങ്ങൾ നടപ്പാക്കിയതായി ചൂണ്ടിക്കാണിക്കുന്നവർക്ക് ഒരു പവൻ സ്വർണ്ണം സമ്മാനം പ്രഖ്യാപിച്ച് യൂത്ത് ലീഗ്. 35 പ്രധാന വാഗ്ദാനങ്ങൾ അടങ്ങിയ ഓൺലൈൻ സർവ്വേ ലിസ്സ്റ്റും പുറത്ത്വിട്ടു. ലീഗ് കുന്ദമംഗലം ഇതിൽ ഏതെങ്കിലും ഒരു വാഗ്ദാനം നടപ്പാക്കിയതായി വ്യക്തമാക്കുന്നവർക്കാണ് സമ്മാനം. കഴിഞ്ഞ 10 വർഷമായി സംസ്ഥാന ഭരണം സ്വന്തം മുന്നണിക്ക് ലഭിച്ചിട്ടും വാഗ്ദാനങ്ങളിൽ ഒന്നുപോലും നടപ്പാക്കുന്നതിനോ പുതിയ സ്ഥാപനങ്ങളോ പദ്ധതികളോ കൊണ്ടുവരുന്നതിനോ റഹീമിന് സാധിച്ചിട്ടില്ലെന്ന് യൂത്ത് ലീഗ് നിയോജക മണ്ഡലം പ്രസിഡണ്ട് കുഞ്ഞിമരക്കാർ മലയമ്മ, ജനറൽ സെക്രട്ടറി എ. പി അബ്ദുസമദ് , ട്രഷറർ കെ പി സൈഫുദ്ദീൻ, എൻ ടി അബ്ദുള്ള നിസാർ ,ടി പി സൈനുൽ ആബിദ് എന്നിവർ വാർത്താസമ്മേളനത്തിൽ ആരോപിച്ചു. 2021 ലെ തെരഞ്ഞെടുപ്പിന് തൊട്ടുമുമ്പ് മണ്ഡലത്തിലെ ഭൂരഹിതരായ 300 കുടുംബങ്ങൾക്ക് ഫ്ലാറ്റ് നിർമ്മിക്കുന്നതിനുള്ള ശിലാസ്ഥാപനം മാവൂരിലെ പൊൻ പാറക്കുന്നിൽ എംഎൽഎ നിർവഹിച്ചിരുന്നു. എന്നാൽ ഒരു നിർമ്മാണ പ്രവർത്തനവും ഇതേവരെ അവിടെ നടന്നിട്ടില്ല. വീട് വാഗ്ദാനം ചെയ്ത് വോട്ട് വാങ്ങി പാവപ്പെട്ട കുടുംബങ്ങളെ കബളിപ്പിക്കാനാണ് എംഎൽഎ ശ്രമിച്ചത്. അവർ കുറ്റപ്പെടുത്തി.
സംസ്ഥാനത്തെ എല്ലാ എം.എല്.എമാര്ക്കും ഒരേ പോലെ ലഭിക്കുന്ന പ്രാദേശിക വികസന ഫണ്ട്, ആസ്തി വികസന ഫണ്ട്, തദ്ദേശ റോഡ് പുനരുദ്ധാരണ പദ്ധതി ഫണ്ട്, ഫ്ലഡ്, ബജറ്റില് കണക്കാക്കുന്ന നിശ്ചിത മണ്ഡല വിഹിതം ഉപയോഗിച്ചുള്ള മരാമത്ത് പ്രവൃത്തികള് എന്നിങ്ങനെയുള്ള പദ്ധതികളല്ലാതെ 2016ല് പിടിഎ റഹീം വാഗ്ദാനം നല്കിയ സ്ഥാപനങ്ങളോ വേറിട്ട പദ്ധതികളോ നടപ്പായിട്ടില്ല.
കണ്ണിപറമ്പിലെ കാൻസർ സെൻ്റർ,മാവൂരിലെ വ്യവസായം, ഒളവണ്ണയിലെയും ചെറുപ്പയിലെയും ഡയാലിസിസ് സെൻ്റർ, ഐടി പാർക്ക്, ടൂറിസം കേന്ദ്രങ്ങൾ, വ്യവസായ പാർക്ക്, കുന്ദമംഗലം താലൂക്ക്, കുന്ദമംഗലം ഫയർ സ്റ്റേഷൻ, ഐ ഐഎം, സി ഡബ്ല്യു ആർ ഡി എം , എൻ ഐ ടി , സ്കൂൾ ഓഫ് മാത്തമാറ്റിക്സ് എന്നീ പ്രമുഖ സ്ഥാപനങ്ങളുടെ സാധ്യതകൾ ഉപയോഗിച്ചുള്ള വിദ്യാഭ്യാസ ഹബ്ബ് തുടങ്ങി സുപ്രധാനമായ വാഗ്ദാനങ്ങൾ ഒന്നും നടപ്പാക്കാതെ മണ്ഡലത്തിൽ പുതുതായി 4 ബാറുകൾ ആരംഭിക്കുന്നതിനാണ് എംഎൽഎ ശ്രദ്ധിച്ചത്. അവർ കുറ്റപ്പെടുത്തി.
താഴെ ചേർത്ത വാഗ്ദാനങ്ങളിൽ ഏതെങ്കിലും ഒന്ന് നടപ്പാക്കിയതായി വ്യക്തമാക്കുന്നവർക്കാണ് സമ്മാനം പ്രഖ്യാപിച്ചിട്ടുള്ളത്.
1) കണ്ണിപറമ്പ് കാൻസർ സെൻ്റർ വിപുലീകരിച്ച് ആധുനിക സൗകര്യമുളള കാൻസർ സെൻറർ
2) കുന്ദമംഗലം ആസ്ഥാനമായി പുതിയ താലൂക്ക്.
3) ഗ്രാസിം പ്രവർത്തിച്ചിരുന്ന സ്ഥലത്ത് പരിസ്ഥിതി സൗഹൃദവും കൂടുതൽ തൊഴിലവസരങ്ങൾ സൃഷ്ടിക്കുന്നതുമായ പുതിയ സംരംഭം
4) എല്ലാ പഞ്ചായത്തുകളിലും ഇൻഡസ്ട്രിയൽ പാർക്ക്.
5) ഒളവണ്ണ കമ്മ്യൂണിറ്റി ഹെൽത്ത് സെൻ്ററിൽ ഡയാലിസിസ് സെന്റര്
6) NIT, CWRDM, IIM സ്ക്കൂൾ ഓഫ് മാത്തമാറ്റിക്സ് എന്നീ സ്ഥാപനങ്ങളുടെ സഹകരണത്തോടെ കുന്ദമംഗലം വിദ്യാഭ്യാസ, ഹബ്ബ്
7) മാവൂർ പഞ്ചായത്തിലെ തെങ്ങിലക്കടവ്, ചെറൂപ്പ മേഖലയിൽ വെള്ളം കെട്ടി നിൽക്കുന്ന സ്ഥലത്ത് കൃഷി, മത്സ്യ കൃഷി, ടൂറിസം പദ്ധതികൾ.
8) അംഗീകത കടവുകളിൽ നിന്നും നിയമാനുസൃതം മണൽ വാരുന്നതിന് ആവശ്യമായ നടപടി.
9) ചെറുപ്പ ആരോഗ്യ കേന്ദ്രത്തിൽ ഡയാലിസിസ്സ് കേന്ദ്രം.
10) കുന്ദമംഗലത്ത് ഫയർ സ്റ്റേഷൻ.
11) അറപ്പുഴ – തിരുത്തി ടൂറിസം.
12) മാവൂർ – കൽപ്പള്ളിയിലെ PWD ഭൂമി ഉപയോഗിച്ച് ഗ്രൗണ്ട്.
13) കുളിമാട് – ചെട്ടിക്കടവ് കേന്ദ്രമാക്കി ജലപാതയും ടൂറിസവും.
14) മാമ്പുഴയിൽ പരിസ്ഥിതി സൗഹൃദ ടൂറിസം.
15) മാവൂർ പഞ്ചായത്തിൽ PHC
16) എല്ലാ പഞ്ചായത്തിലും പഞ്ചകർമ്മ ചികിത്സാകേന്ദ്രങ്ങൾ.
17) പ്രധാന സ്ഥലങ്ങളിൽ പാലം (കുറ്റിക്കടവ് )
18 ) പ്രധാന സ്ഥലങ്ങളിൽ പാലം (വെള്ളായിക്കോട്)
19) പൂവ്വാട്ട്പറമ്പിൽ PWD റസ്റ്റ് ഹൗസ്
20) മാവൂർ പഞ്ചായത്തിലെ PWD സ്ഥലം ഉപയോഗപ്പെടുത്തി ഇൻഡസ്ട്രിയൽ പാർക്ക്
21) മണ്ഡലത്തിൽ ഒരു ഐ.ടി പാർക്ക്
22) ഒളവണ്ണ, പെരുമണ്ണ പഞ്ചായത്തുകളിൽ കയർ അധിഷ്ഠിത വ്യവസായം.
23) ചാലിയാർ കവണക്കല്ല് ബ്രീഡ്ജിന് മേൽഭാഗങ്ങളിൽ ടൂറിസം.
24) മണ്ഡലത്തിൽ ഹൈടെക് ഫാമുകൾ.
25) പഠനവൈകല്യം പരിഹരിക്കുന്നതിന് ക്ലിനിക്കുകൾ
26) വിദ്യാർത്ഥികൾക്ക് തൊഴിൽ പരിശീലന പദ്ധതി
27) നാടൻ കലകളുടെ പരിപോഷണവും പഠനഗവേഷണവും മിനി ഓപ്പൺ എയർ തീയേറ്റർ.
28) കുന്ദമംഗലം മണ്ഡലം സ്ത്രീ സുരക്ഷ മണ്ഡലമായി ഉയർത്തുന്നതിന് പ്രത്യേക പദ്ധതി.
29) എല്ലാ പഞ്ചായത്തുകളിലും മൊബൈൽ ശ്മശാനങ്ങൾ.
30) മാമ്പുഴ ശുദ്ധീകരണവും, തീരസംരക്ഷണവും.
31) കവണക്കല്ല് റഗുലേറ്റർ കം ബ്രിഡ്ജിൻ്റെ സാദ്ധ്യതകൾ ഉപയോഗപ്പെടുത്തി മാവൂർ, പെരുവയൽ, പെരുമണ്ണ, ചാത്തമംഗലംന്ദ്രമംഗലം പഞ്ചായത്തുകളിൽ കുടിവെള്ളവും ജലസേചന പദ്ധതികളും
32) ചെറുപുഴയിലും, പൂനൂർ പുഴയിലും, ചാലിയാറിലും തടയണ നിർമ്മാണം, പുഴയോര സംരക്ഷണത്തിന് നടപടി സ്വീകരിക്കും
33) നാളികേരഉൽപ്പന്നങ്ങളുടെ വൈവിധ്യവൽക്കരണത്തിന് വ്യവസായം
34) കുന്ദമംഗലം മണ്ഡലം ഡെവലപ്പ്മെൻ്റ് മിഷൻ
35 ) തെങ്ങിലക്കടവിൽ എക്കോ ടൂറിസം
About the Author
