കുന്ദമംഗലം : സംസ്ഥാന ജീവനക്കാരുടെയും അധ്യാപകരുടെയും ശമ്പള പരിഷ്കരണം നടപ്പിലാക്കുവാൻ കമ്മീഷനെ നിയമിച്ച നടപടിയെ ജോയിന്റ് കൗൺസിൽ സ്വാഗതം ചെയ്തു. ശമ്പള പരിഷ്കരണ കമ്മീഷനിൽ നിന്നും ഇടക്കാല റിപ്പോർട്ട് ലഭ്യമാക്കി ശമ്പള പരിഷ്കരണം യാഥാർത്ഥ്യമാക്കണമെന്ന് ജോയിന്റ് കൗൺസിൽ കുന്നമംഗലം മേഖലാസമ്മേളനം സർക്കാരിനോട് ആവശ്യപ്പെട്ടു.
കുന്നമംഗലം ഗ്രാമപഞ്ചായത്ത് സാംസ്കാരിക നിലയത്തിൽ നടന്ന മേഖല സമ്മേളനം ജോയിന്റ് കൗൺസിൽ സംസ്ഥാന സെക്രട്ടറിയേറ്റ് അംഗം സ: ആർ ഹരീഷ് കുമാർ ഉദ്ഘാടനം ചെയ്തു. സമ്മേളനത്തിൽ മേഖലാ പ്രസിഡന്റ് ബിനു കുമാർ കെ അധ്യക്ഷത വഹിച്ചു. ജില്ലാ പ്രസിഡന്റ് കെ ഷിജു സംഘടനാ റിപ്പോർട്ടും മേഖല സെക്രട്ടറി ശ്രീജിത്ത് എ പ്രവർത്തന റിപ്പോർട്ടും മേഖലാ ട്രഷറർ അഫ്സ പി പി വരവ് ചെലവ് കണക്കും അവതരിപ്പിച്ചു.
ജോയിന്റ് കൗൺസിൽ ജില്ലാ വൈസ് പ്രസിഡന്റ് ദീപ്തി കെ പി, ജില്ലാ കമ്മിറ്റിയംഗം രതീഷ് കുമാർ ഇ എം എന്നിവർ അഭിവാദ്യം ചെയ്ത് സംസാരിച്ചു. ജോയിന്റ് കൗൺസിൽ സംസ്ഥാന കമ്മിറ്റിയുടെ നേതൃത്വത്തിൽ നടത്തിവരുന്ന “വിശക്കരുതാർക്കും” സാന്ത്വന പദ്ധതിയിലേക്ക് സമ്മേളനത്തിൽ നിന്നും സമാഹരിച്ച തുക സംസ്ഥാന സെന്ററിന് കൈമാറി. വില്ലേജ് ഫീൽഡ് അസിസ്റ്റന്റ്മാരുടെ സ്പെഷ്യൽ റൂൾസ് നടപ്പിലാക്കുക, കണ്ടിഞ്ജന്റ് ജീവനക്കാരുടെ വേതനം ശമ്പള പരിഷ്കരണ കമ്മീഷനിൽ ഉൾപ്പെടുത്തി കാലാനുസൃതമായി ഉയർത്തുക എന്നീ പ്രമേയങ്ങൾ സമ്മേളനം അംഗീകരിച്ചു.
സർവീസിൽ നിന്നും വിരമിച്ച ജോയിൻറ് കൗൺസിൽ സംസ്ഥാന കമ്മിറ്റി അംഗം ടി എം സജീന്ദ്രനും, ജില്ലയിൽ നിന്നും സ്ഥലംമാറ്റം ലഭിച്ച ജോയിൻറ് കൗൺസിൽ ജില്ലാ കമ്മിറ്റി അംഗം ഇ എം രതീഷ് കുമാറിനും സമ്മേളനത്തിൽ ഉപഹാര സമർപ്പിച്ചു.
പുതിയ ഭാരവാഹികളായി ബിനു കുമാർ കെ (പ്രസിഡണ്ട്), വിശാന്ത്, സുധ (വൈസ് പ്രസിഡണ്ടുമാർ), അനൂപ് നെടൂളി (സെക്രട്ടറി), സുബീഷ് കെ, അഫ്സ പി പി (ജോയിന്റ് സെക്രട്ടറിമാർ), ബിനു വിജയൻ (ട്രഷറർ), സ്നീഷ്മ (വനിതാ കമ്മിറ്റി പ്രസിഡണ്ട്), വിജയലക്ഷ്മി (വനിതാ കമ്മിറ്റി സെക്രട്ടറി) എന്നിവരെ സമ്മേളനം തെരഞ്ഞെടുത്തു. അനൂപ് നെടൂളി കൃതജ്ഞത രേഖപ്പെടുത്തി.
About the Author
