ഹബീബ് കാരന്തൂർ
കുന്ദമംഗലം : കലയ്ക്കും സാഹിത്യത്തിനും കായിക വിനോദങ്ങൾക്കും നാടക-നാടൻ കലകൾക്കും ഒരുപോലെ വളക്കൂറുള്ള നെച്ചൂളിയിലെ മണ്ണിൽ, നാട്ടുകാരുടെ ചിരകാല അഭിലാഷമായിരുന്ന സ്വന്തമായി ഒരു വോളിബോൾ കോർട്ടിന് സാക്ഷത്ക്കാരമായി.
ഒരു വർഷം നീണ്ടുനിൽക്കുന്ന രജതജൂബിലി ആഘോഷങ്ങൾക്ക് തുടക്കം കുറിച്ചുകൊണ്ട് ‘സൂര്യ നെച്ചൂളി സംഘടിപ്പിച്ച “സൂരേൃാത്സവ്2026” എന്ന പരിപാടിയിലാണ്, ‘കെ. വി. സുധാകരൻ കലാകായിക പഠനകേന്ദ്രത്തിൽ കോർട്ട് നാടിനായി സമർപ്പിക്കപ്പെട്ടത്. ചാത്തമംഗലം ഗ്രാമപഞ്ചായത്ത് പ്രസിഡന്റ് എം.കെ. നദീറയുടെ അധ്യക്ഷതയിൽ നടന്ന ചടങ്ങിൽ ബഹുമാനപ്പെട്ട കുന്നമംഗലം എം.എൽ.എ. അഡ്വ. പി.ടി.എ. റഹീം ഔദ്യോഗിക ഉദ്ഘാടനം നിർവ്വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് എം.കെ. അനീഷ് പതാക ഉയർത്തിയ ചടങ്ങിൽ, കടുങ്ങോച്ചൻ കണ്ടിയിൽ ചാത്തുക്കുട്ടി എന്നിവരുടെ സ്മരണയ്ക്കായി ഒരുക്കിയ ഫ്ലഡ് ലൈറ്റ് വോളിബോൾ കോർട്ട് എം.എൽ.എയും രാജമോഹൻ കടുങ്ങോച്ചൻ കണ്ടിയിലും ചേർന്ന് ജനങ്ങൾക്കായി തുറന്നുനൽകി. നാട്ടുകാർ ഒത്തൊരുമിച്ച് വിലയ്ക്കുവാങ്ങിയ 35 സെന്റ് സ്ഥലത്ത് ഉയർന്നുവന്ന ഈ കലാകായിക പഠനകേന്ദ്രം, വരുംതലമുറയുടെ കലാ-കായിക വളർച്ചയിൽ വലിയൊരു നാഴികക്കല്ലാകുമെന്നുറപ്പാണ്. ജില്ലാ പഞ്ചായത്ത് മെമ്പർ ടി.കെ. മുരളീധരൻ, ബ്ലോക്ക് പഞ്ചായത്ത് മെമ്പർ ദീപ.വി ,ജനപ്രതിനിധികളായ വി.കെ. രമേശൻ, കൽപ്പള്ളി നാരായണൻ നമ്പൂതിരി, ഷിജു ലാൽ, സരസ രമേശൻ, അഡ്വ. ബവിത,
ജനറൽ കൺവീനർ അരുൺ മോഹൻ, എൻ.പി. രാമചന്ദ്രൻ, വിനീഷ് കുമാർ കെ.പി,കെ .സി. ഭാസ്കരൻ മാസ്റ്റർ, സെക്രട്ടറി സജിത്ത്. ബി. കെ എന്നിവർ ചടങ്ങിൽ സംസാരിച്ചു. ചടങ്ങിൽ റിപബ്ലിക് ദിന പരേഡിൽ കേരളത്തെ പ്രതിനിധി കരിച്ച എൻ. എസ്.എസ് കണ്ടീജന്റ് ദേവനന്ദ.എ, കാലിക്കറ്റ് യൂണിവേഴ്സിറ്റി താരം അർജുൻ.എം എന്നിവർക്ക് മൊമെന്റോനൽകിആദരിച്ചു ഗ്രൗണ്ട് നിർമ്മാണത്തിന് നേതൃത്വം നൽകിയ പി.സി. പ്രേമൻ മാസ്റ്റർ, രാമദാസൻ മാസ്റ്റർ,സി. കെ.മുഹമ്മദ്, പ്രേമൻ മാസ്റ്റർ. കെ സ്വാഗത സംഘം ഓഫീസ് നിർമാണത്തിനു നേതൃത്വം നൽകിയ വേലായുധൻ. പി നൃത്താഞ്ജലി അവതരിപ്പിച്ച ദിനേശൻ മാസ്റ്റർ ശിവാഞ്ജലി,സിനിമാറ്റിക് ഡാൻസ് അവതരിപ്പിച്ച പ്രീത നമ്പൂതിരി കൊരംബറ്റ, അക്രോബാറ്റിക്ക് ജിംനാസ്റ്റിക് ഡിസ്പ്ലെ പരിശീലകൻ ജംഷീർ എന്നിവരെ ചടങ്ങിൽ പൊന്നാട അണിയിച്ച് ആദരിക്കുകയുണ്ടായി. വർണ്ണാഭമായ ഘോഷയാത്ര, ടൂവീലർ റാലി, നാടൻ കലാപ്രകടനങ്ങൾ എന്നിവ പരിപാടിക്ക് മാറ്റ് കൂട്ടി. ആവേശകരമായ വോളിബോൾ മത്സരത്തോടും വിജയികൾക്കുള്ള ട്രോഫി വിതരണത്തോടും കൂടി നെച്ചുളിയുടെ ഈ സാംസ്കാരിക മാമാങ്കം നാടിന്റെ ഐക്യവിളംബരമായി മാറി. തുടർ പ്രവർത്തനമായി ഏപ്രിൽ ആദ്യ വാരം ഉത്തരമേഖലാ വോളി ബോൾ ടൂർണമെന്റ്, തുടർന്ന് വോളിബോൾ കോച്ചിങ് ക്യാമ്പും നടത്തപെടുന്നു.
About the Author
