കുന്ദമംഗലം: പുതുയുഗ യാത്ര നയിച്ചെത്തിയ പ്രതിപക്ഷ നേതാവ് വി.ഡി.സതീശനെ തോളിലേറ്റി പ്രവർത്തകരുടെ ആവേശ സ്വീകരണം. കുന്ദമംഗലത്ത് ആവേശം കൈവിടാതെ ആയിരക്കണക്കിനു പ്രവർത്തകരാണ് പ്രതിപക്ഷ നേതാവിനെ സ്വീകരിക്കാനായി കാത്തു നിന്നത്. യു.ഡി.എഫ് നേതാക്കൾ അദ്ദേഹത്തെ ഷാൾ അണിയിച്ച് സ്വീകരിച്ചു. പ്രവർത്തകരുടെ ആവേശത്തിലും മുദ്രാവാക്യത്തിലും നിറഞ്ഞു നിന്ന പുതുയുഗ യാത്ര ക്യാപ്റ്റനെയും മറ്റു നേതാക്കളെയും ഏറെ പണിപ്പെട്ടാണു വേദിയിലെത്തിച്ചത്. ഐക്യ ജനാധിപത്യമുന്നണി മതേതര മൂല്യങ്ങൾ
ഉയർത്തിപ്പിടിച്ച് തന്നെയാണ് മുന്നോട്ടുപോകുന്നതെന്നും അതിൽ വെള്ളം ചേർക്കാൻ ആര് ശ്രമിച്ചാലും നടക്കില്ലെന്നും
കേരളത്തിന്റെ ആത്മാവ് മതേതരത്വമാണെന്നും പ്രതിപക്ഷ നേതാവ് പറഞ്ഞു.കുന്ദമംഗലം നി യോജകമണ്ഡലത്തിലെ 5 പഞ്ചായത്തുകളും ബ്ലോക്ക് പഞ്ചായത്തും പാർലമെന്റ് മെമ്പറെയും വിജയിപ്പിച്ച നിങ്ങൾക്ക് കുന്ദമംഗലം അസംബ്ലി മണ്ഡലം തിരിച്ചുപിടിക്കാൻ സാധിക്കുമെന്നുള്ളത് എനിക്കുറപ്പുണ്ടെന്ന് അതിന്റെ ചുമതല നിങ്ങളെ ഏൽപ്പിക്കുകയാണെന്ന് പറഞ്ഞപ്പോൾ നിറഞ്ഞ കൈയ്യൊടിയോടെയാണ് ജനങ്ങൾ അത് ഏറ്റെടുത്തത്.കുന്ദമംഗലം മണ്ഡലം യു. ഡി. എഫ് കമ്മിറ്റി സംഘടിപ്പിച്ച സ്വീകരണ പരിപാടി കുന്ദമംഗല ബ്ലോക്ക് പഞ്ചായത്ത് ഓപ്പൺ സ്റ്റേജിൽ വെച്ച്
മുൻ കെ.പി.സി.സി പ്രസിഡണ്ട് എം എം ഹസ്സൻ ഉദ്ഘാടനം നിർവഹിച്ചു. എം പി കേളുക്കുട്ടി അധ്യക്ഷത വഹിച്ചു. .എം കെ രാഘവവൻ എം പി,അനൂപ് ജേക്കബ് എം.എൽ.എ,സി.പി ജോൺ,അഡ്വ. പ്രവീൺ കുമാർ,മുൻ എം എൽ.എ,യു.സി രാമൻ,അഹമ്മദ് പുന്നക്കൽ ,
,എം.എ റസാഖ് മാസ്റ്റർ,ടി.ടി ഇസ്മായിൽ,ആശിഖ് ചെലവൂർ
പി.കെ ഫിറോസ്, ഷാനിമോൾ ഉസ്മാൻ
എൻ സുബ്രഹ്മണ്യൻ,സി പി ചെറിയ മുഹമ്മദ്,ബി.ആർ എം ശഫീർ തുടങ്ങിയവർ സംസാരിച്ചു.യു.ഡി.എഫ് കൺവീനർ എ. ടി. ബഷീർ സ്വാഗതവും ദിനേശ് പെരുമണ്ണ നന്ദിയും പറഞ്ഞു
About the Author
