പി. മുഹമ്മദ് മാസ്റ്റർ
കാരന്തൂർ പാറ്റേൺ വോളി ബോൾ അക്കാദമി മെമ്പർ കുന്ദമംഗലം പന്തീർപാടം തോട്ടും പുറത്ത് അബ്ദുൽ ഖാദറിൻറ വിയോഗം കാരന്തൂർ പാറ്റേണിന് തീരാ നഷ്ടം പാറ്റേൺ അക്കാദമിയുടെ വളർച്ച വളരെ താൽപര്യപൂർവ്വം വീക്ഷിക്കുകയും കായിക രംഗത്ത് പാറ്റേൺ സംഭാവനകളിൽ അഭിമാനം കൊള്ളുകയും ചെയ്തവ്യക്തിത്വത്തിൻ്റെ ഉടമയായിരുന്നു. വോളിബോളിനോട് പ്രത്യേക അടുപ്പം കാട്ടുകയും പ്രധാന മത്സരങ്ങൾ കാണാനെത്തുകയും ചെയ്യുമായിരുന്നു. നാട്ടുകാരും സുഹൃത്തുക്കളും എൽ.ഐ.സി ഖാദർക്ക എന്ന് സ്നേഹപൂർവ്വം വിളിച്ചിരുന്ന ഇദ്ദേഹം ന്യൂ ഇന്ത്യ ഇൻഷുറസിൽ നിന്ന് ഡവലപ്മെന്റ് ഓഫീസറായി വിരമിച്ച വ്യക്തിയാണ്. വളരെ വലിയ സൗഹൃദ ബന്ധങ്ങൾ ഉണ്ടായിരുന്ന ഇദ്ദേഹം ചെറിയ കുട്ടികളോട് പോലും ചിരിച്ച് കൊണ്ട് കരുതലോടെ പെരുമാറുന്നത് പതിവായിരുന്നു. വലിയ സമ്പത്തിന് ഉടമയാണെങ്കിലും സാധാരാണക്കാരോടുള്ള ബന്ധങ്ങളിൽ ഒരു ജാടയും ഉണ്ടാവാതെ സൂക്ഷിക്കുന്ന പ്രകൃതമായിരുന്നു. നാട്ടിലെ വിദ്യാഭ്യാസ കാര്യങ്ങളിൽ ഏറെ തൽപരനായിരുന്നു. കാരന്തൂർ മാപ്പിള എൽ.പി.സ്കൂൾ ഉടമകളായ മുസ്ലിം എജുക്കേഷൻ ട്രസ്റ്റ് വൈസ് പ്രസിഡണ്ടാണ്. കുന്ദമംഗലത്തെ പൗരപ്രമുഖൻ കൂടിയായ ഇദ്ദേഹത്തിന്റെ നിര്യാണം പാറ്റേണിന് തീരാ നഷ്ടമാണ്.എല്ലാവരോടും സ്നേഹത്തോടെ പെരുമാറിയിരുന്ന ഇദ്ദേഹത്തിന്റെ നിര്യാണത്തിൽ പാറ്റേൺ കുടുംബത്തിനുള്ള അഗാധമായ ദുഃഖവും അനുശോചനവും രേഖപ്പെടുത്തുന്നു.
About the Author
