ആലപ്പുഴ:-അറുപത്തിയാറാമത് നെഹ്‌റു ട്രോഫി വള്ളംകളി ഇന്ന് പുന്നമടക്കായലിൽ നടക്കും. ഗവർണർ പി.സദാശിവം ജലമേള ഉദ്ഘാടനം ചെയ്യും. നടൻ അല്ലു അർജുൻ മുഖ്യാതിഥി ആയിരിക്കും. കേരള ബ്ലാസ്റ്റേഴ്സ് ടീം അംഗങ്ങളും മുഖ്യാതിഥികളായെത്തും. രാവിലെ പതിനൊന്നു മണിക്കാണ് ചെറുവള്ളങ്ങളുടെ ഹീറ്റ്സ് മത്സരങ്ങൾ തുടങ്ങുക.
ഉച്ചതിരിഞ്ഞ് മൂന്നിനാണ് ചുണ്ടൻ വള്ളങ്ങളുടെ ഹീറ്റ്സ് മത്സരങ്ങൾ. ചുണ്ടൻ വള്ളങ്ങളുടെ ഹീറ്റ്സ് മത്സരങ്ങൾക്ക് ശേഷം വനിതകളുടെ മത്സരങ്ങൾ നടക്കും.