കോഴിക്കോട് : കേരള സ്‌ക്വായ് മാർഷ്യൽ ആർട്സ് അസോസിയേഷന്റെ ആഭിമുഖ്യത്തിൽ ദേശീയ മത്സരങ്ങളിൽ മികച്ച പ്രകടനം കാഴ്ച വെച്ച കായിക താരങ്ങൾക്ക് വി. കെ കൃഷ്ണ മേനോൻ ഇൻഡോർ സ്റ്റേഡിയത്തിൽ സ്വീകരണം നൽകി. ജില്ലാ മൗണ്ടനീയറിങ് അസോസിയേഷൻ പ്രസിഡന്റ്‌ മൊയ്‌തീൻ കോയ പാലക്കണ്ടി ചടങ്ങ് ഉത്ഘാടനം ചെയ്ത് മെമന്റോ നൽകി. കേരള സ്‌ക്വായ് മാർഷ്യൽ ആർട്സ് അസോസിയേഷൻ പ്രസിഡന്റ്‌ ഏ. കെ മുഹമ്മദ്‌ അഷ്‌റഫ്‌ അധ്യക്ഷത വഹിച്ചു. ഫുട്ട് വോളി അസോസിയേഷൻ സംസ്ഥാനവൈസ് പ്രസിഡണ്ട് ആർ. ജയന്ത് കുമാർ മുഖ്യാതിഥിയായിരുന്നു. ജില്ലാ ടഗ് ഓഫ് വാർ അസോസിയേഷൻ പ്രസിഡന്റ്‌ പി. മുജീബ് റഹ്മാൻ, ജില്ലാ സ്പോർട്സ് കൗൺസിൽ അംഗം പി. ഷഫീഖ്, രാജീവ്‌ ചൈതന്യ, പി. മുഹമ്മദ്‌ ഹസൻ, പി. പി നിസാർ, കെ. ഷഹൻ, കെ ഷിബിൻ, കേരള ടീം ക്യാപ്റ്റൻ ആവണി ബിജു എന്നിവർ ആശംസകൾ നേർന്നു. സംസ്ഥാന അസോസിയേഷൻ സെക്രട്ടറി എം. രൂപേഷ് സ്വാഗതവും അമൽ സേതു മാധവൻ നന്ദിയും പറഞ്ഞു.
കേരള സ്‌ക്വായ് മാർഷ്യൽ ആർട്സ് അസോസിയേഷന്റെ ആഭിമുഖ്യത്തിൽ ദേശീയ മത്സരങ്ങളിൽ മികച്ച പ്രകടനം കാഴ്ച വെച്ച കായിക താരങ്ങൾക്ക്സ്വീകരണം നൽകി
