കോഴിക്കോട് ജില്ലാ കോമേഴ്സ് ടീച്ചേഴ്സ് “സ്പാർക്ക് ” നടക്കാവ് ഗേൾസ് ചാമ്പ്യൻമാരായി

കാരന്തൂർ: കോഴിക്കോട് ജില്ലാ കോമേഴ്സ് ടീച്ചേഴ്സ് അസോസിയേഷൻ സംഘടിപ്പിച്ച “സ്പാർക്ക് “- മാനേജ്മെൻറ് മീറ്റ് ജില്ലാതല പരിപാടിയിൽ നടക്കാവ് ഗവൺമെൻറ് ഗേൾസ് എച്ച്.എസ്.എസ് ടീം ചാമ്പ്യന്മാരായി. കോഴിക്കോട് സെൻറ് ജോസഫ് ബോയ്സ് എച്ച്. എസ്. എസ്. ടീം രണ്ടാം സ്ഥാനവും കാരപ്പറമ്പ് എച്ച്. എസ്. എസ് മൂന്നാംസ്ഥാനവും നേടി. “ബെസ്റ്റ് അക്കൗണ്ട് മാനേജർ” വിഭാഗം മത്സരത്തിൽ ഫാറൂഖ് എച്ച്.എസ്.എസ് ഫറോക്ക് ആണ് ചാമ്പ്യന്മാർ. നാദാപുരം ടി. ഐ. എം. എച്ച്.എസ്.എസ് രണ്ടാംസ്ഥാനവും മർകസ് ഗേൾസ് എച്ച്.എസ്.എസ് മൂന്നാം സ്ഥാനവും നേടി. പരിപാടിയിൽ പ്രസിഡണ്ട് ടി പി മുഹമ്മദ് ബഷീർ അധ്യക്ഷനായിരുന്നു. പ്രൊഫസർ അനീഷ് സെബാസ്റ്റ്യൻ സമ്മാന വിതരണം നിർവഹിച്ചു. വാർഡ് മെമ്പർ പടാളിയിൽ ബഷീർ, സി. മനോജ്, ടി.പി അബ്ദുസമദ്, സി. എ വിനോദ് മാത്യു, കെ. സി ഫസലുൽഹഖ്, ഉദയൻ മാസ്റ്റർ കെ. ടോമി ജോർജ്, കെ അസ്കർ എന്നിവർ പ്രസംഗിച്ചു.കൺവീനർ സി.കെ. അഷ്റഫ് സ്വാഗതവും, കെ. രാജ് നാരായണൻ നന്ദിയും പറഞ്ഞു