കുന്ദമംഗലം : മണ്ഡലത്തിലെ വിദ്യഭ്യാസ സ്ഥാപനങ്ങളില്‍ നിന്നും, മണ്ഡലം പരിധിയില്‍ താമസിക്കുന്നവരില്‍ നിന്നും എസ്.എസ്.എല്‍.സി, പ്ലസ് ടു, സി.ബി.എസ്.ഇ പരീക്ഷകളില്‍ മുഴുവന്‍ വിഷയങ്ങളിലും എ പ്ലസ് നേടിയ വിദ്യാര്‍ത്ഥികളെ പിടിഎ റഹീം എംഎൽഎ അവാർഡും ഗിഫ്റ്റും നൽകി ആദരിച്ചു. മര്‍കസ് മെയിന്‍ ഓഡിറ്റോറിയത്തില്‍ വെച്ച് നടത്തിയ പരിപാടിയിൽ കുന്നമംഗലം ഗ്രാമപഞ്ചായത്ത് പ്രസിഡണ്ട് ലിജി പുൽകുന്നുമ്മൽ അധ്യക്ഷത വഹിച്ചു. കുന്നമംഗലം ബ്ലോക്ക് പഞ്ചായത്ത് പ്രസിഡണ്ട് അരിയിൽ അലവി മുഖ്യാതിഥിയായി. ചാത്തമംഗലം ഗ്രാമപഞ്ചായത്ത് പ്രസിഡണ്ട് ഓളിക്കൽ അബ്ദുൽ ഗഫൂർ, കുന്നമംഗലം ഗ്രാമപഞ്ചായത്ത് വൈസ് പ്രസിഡണ്ട് വി അനിൽകുമാർ, ജില്ലാ പഞ്ചായത്ത് മെമ്പർ എം ധനീഷ്ലാൽ, ബ്ലോക്ക് മെമ്പർ ബാബു നെല്ലുളി, ഉനൈസ് മുഹമ്മദ്, വിഎം റഷീദ് സഖാഫി, ജൗഹർ കുന്നമംഗലം, കെകെ ഷമീം, മിസ്തഹ് മൂഴിക്കൽ, പി അഷ്റഫ് ഹാജി, കെ പി മുഹമ്മദ് അഷ്റഫ് സംസാരിച്ചു
