മടവൂർ: വിശുദ്ധ ഖുർആൻ മുഴുവനും കൈ കൊണ്ടെഴുതി പൂർത്തിയാക്കിയ മടവൂർ ചക്കാലക്കൽ ആയിശാ ഫാദിക്ക് ഡോ.ഹുസൈൻ മടവൂർ ഉപഹാരം നൽകി. പൊയിലങ്ങൽ ഹുസൈൻ, കുഞ്ഞാമു കുന്നുമ്മൽ, മുസ്തഫാ നുസ് രി തുടങ്ങിയവരും സംബന്ധിച്ചു.
മദീനയിലെ കിംഗ് ഫഹദ് ഖുർആൻ പ്രിൻറിംഗ് കോംപ്ലക്സ് പ്രസിദ്ധീകരിച്ച ഖുർആൻ പ്രതി അവലംബിച്ചാണ് ഒന്നര വർഷം കൊണ്ട് ഈ മിടുക്കി ഖുർആൻ കൈയെഴുത്ത് പ്രതിപൂർത്തിയാക്കിയത്.
ചക്കാലക്കൽ ഹൈസ്കൂളിൽ പത്താം ക്ലാസ് വിദ്യാർത്ഥിനിയായ ആയിശാ ഫാദി ചക്കാലക്കൽ യാസർ അറഫാത്ത്, സ്റ്റെഫി ദമ്പതികളുടെ മകളാണ്.
