കുന്ദമംഗലം: കേരള സ്കൂൾ ടീച്ചേഴ്സ് യൂനിയൻ സംഘടന കുന്ദമംഗലം ഉപജില്ലയിൽ കെട്ടിപ്പടുക്കുന്നതിൽ പ്രയത്നിച്ച ,ഇരുപത്തിയാറ് വർഷത്തെ സേവനത്തിന് ശേഷം കുരുവട്ടൂർ എ.യു.പി സ്കൂളിൽ നിന്നും വിരമിക്കുന്ന സി.ഖാദർ മാസ്റ്റർക്ക് സമുചിതമായ യാത്രയയപ്പ് നൽകി.
ചേളന്നൂർ ഒളോപ്പാറയിൽ വെച്ച് നടന്ന ചടങ്ങിൽ കെ.എസ്.ടി യു സ്റ്റേറ്റ് ഓർഗനൈസിംഗ് സെക്രട്ടറി പി.കെ അസീസ് മാസ്റ്റർ ഉപഹാരം സമർപ്പിച്ചു’
പ്രസിഡൻ്റ് കെ ബഷീറിൻ്റെ അധ്യക്ഷതയിൽ അഹമ്മദ് പുതുക്കുടി, ഫസൽ കൊടിയത്തൂർ, സലീം മാസ്റ്റർ, നാസർ ഹുസൈൻ, ഇസ്മയിൽ മാസ്റ്റർ, ആയിശാബി ടീച്ചർ ,നദീറ ടീച്ചർ, മുഹമ്മദ് മാസ്റ്റർ , സഫിയ ചെറു വറ്റ, മുർഷിദ് എം, ഷമീം ടി.എം.തുടങ്ങിയവർ സംസാരിച്ചു. മണ്ഡലം വനിതാ ലീഗ് ഭാരവാഹിയായ ജസീല ടീച്ചറെ ചടങ്ങിൽ ആദരിച്ചു.
റസാഖ് മലയമ്മ സ്വാഗതവും സിറാജുദീൻ നന്ദിയും പറഞ്ഞു.