കുന്ദമംഗലം : പഠന നിലവാരത്തിലും പ്രാഥമിക സൗകര്യങ്ങളിലും മികവിന്റെ അവാർഡുകൾ കരസ്ഥമാക്കിയ മാക്കൂട്ടം എ എം യു പി സ്ക്കൂളിൽ പിടിഎകമ്മിറ്റിയുടെ സഹകരണത്തോടെ നിർമ്മിച്ച സയൻസ് ,മാത്തമറ്റിക്സ് ,സോഷ്യൽ ലാബുകളുടെ ഉദ്ഘാടനം, കേരള സ്കൂൾ ഓഫ് മാത്തമാറ്റിക്സ് ഡയറക്ടർ പ്രൊഫസർ കല്യാൺ ചക്രവർത്തി, കുന്നമംഗലം എ ഇ ഒ പോൾ കെ.ജ, വാർഡ് മെമ്പർ യൂസി ബുഷ്റ എന്നിവർ നിർവഹിച്ചു. വിദ്യാർത്ഥികളുടെ പഠന സൗകര്യത്തിനായി മിനിമ്യൂസിയവും സ്കൂളിൽ സജ്ജീകരിച്ചിട്ടുണ്ട്. എച്ച് എം അബ്ദുൽ ജലീൽ സ്വാഗതം പറഞ്ഞ പരിപാടിയിൽ, പിടിഎ പ്രസിഡണ്ട് എ കെ ഷൗക്കത്തലി അദ്ധ്യക്ഷത വഹിച്ചു. ഡോക്ടർ പി അഖിലേഷ് വിദ്യാർത്ഥികൾക്കായി മോട്ടിവേഷൻ ക്ലാസ് നടത്തി. എം പി ടി എ പ്രസിഡണ്ട് ടി കെ സൗദ, സി കെ സൗദാ ബീവി, വിദ്യാർത്ഥികൾ ,രക്ഷിതാക്കൾ ,അധ്യാപകർ, സ്റ്റാഫ് അംഗങ്ങൾ തുടങ്ങിയവർ പരിപാടിയിൽ പങ്കെടുത്തു. വിവിധ മേഖലയിൽ കഴിവ് തെളിയിച്ച വിദ്യാർത്ഥികളെയും, അധ്യാപകരെയും അനുമോദിച്ചു.
