കുന്ദമംഗലം : ഇന്ന് സമൂഹം നേരിടുന്ന ഏറ്റവും വലിയ വെല്ലുവിളിയായ ലഹരി എന്ന വിപത്തിനെ ഇല്ലായ്മ ചെയ്യാൻ ‘ലഹരിക്കെതിരെ ഞങ്ങളും കൈകോർക്കുന്നു’ എന്ന മുദ്രാവാക്യവുമായി കുന്ദമംഗലം
എ എം എൽ പി സ്കൂളിലെ കുട്ടികൾ ഒരുമിച്ച് നിന്ന് വിദ്യാർത്ഥിച്ചങ്ങല തീർത്തു . യൂണിഫോമിന് മുകളിൽ ലഹരി ഉപയോഗത്തിനെതിരെയുള്ള
സന്ദേശങ്ങൾ എഴുതിയ സ്റ്റിക്കർ പതിച്ചുകൊണ്ട്‌ അണിനിരന്ന കുട്ടിച്ചങ്ങല നഗരത്തിലെ കാഴ്ചക്കാർക്ക് കൗതുകം പകർന്നു .
പി ടി എ പ്രസിഡന്റ് കെ ടി ബഷീർ
അദ്ധ്യക്ഷത വഹിച്ച പരിപാടി
വാർഡ് മെമ്പർ ഫാത്തിമ ജെസ്‌ലിൻ ഉദ്‌ഘാടനം ചെയ്തു .സമൂഹത്തിൽ നിന്ന് ലഹരി പൂർണമായും ഇല്ലായ്മ ചെയ്യും വരെ പൊരുതണമെന്നും ഇതിനായി അദ്ധ്യാപകരും രക്ഷിതാക്കളും ഒറ്റക്കെട്ടായി മുന്നിട്ടിറങ്ങണമെന്നും ഉദ്‌ഘാടന പ്രസംഗത്തിൽ സൂചിപ്പിച്ചു .
പ്രധാനാധ്യപിക എൻ പി നദീറ ടീച്ചർ
സ്വാഗതവും ഹഫ്സ ടീച്ചർ നന്ദിയും പറഞ്ഞു
എം പി ടി എ പ്രസിഡന്റ് നസീമ എം എ, പി ടി എ അംഗങ്ങളായ ജുനൈദ് കെ കെ ,ഹസീന , നസീറ തുടങ്ങിയവരും
അദ്ധ്യാപകരായ മുജീബുദ്ധീൻ ,ഷാജു എം ,സുധ എം സി , ഷെറീന ,റീന, സുജീറ ,പ്രിൻസി ,അനുപമ ,സുധന്യ,
ബുസ്താന ഷെറിൻ , അശ്വതി ,സുവിജ, ആയിഷനബീല തുടങ്ങിയവരും നേതൃത്വം കൊടുത്തു