കുന്ദമംഗലം :കുന്ദമംഗലം ഗ്രാമ പഞ്ചായത്ത് വായനശാല കുടുംബശ്രീ എ. ഡി. എസ് അംഗങ്ങൾക്ക് നടത്തിയ പൂക്കള മത്സരത്തിൽ ഒന്നാം വാർഡ് എ ഡി എസ് ഒന്നാം സ്ഥാനം നേടി. ആറും രണ്ടും വാർഡുകൾ രണ്ടും മൂന്നും സ്ഥാനങ്ങൾ നേടി. വിജയികൾക്കുള്ള ട്രോഫിയും ക്യാഷ് അവാർഡും ഗ്രാമപഞ്ചായത്ത് പ്രസിഡന്റ്‌ ലിജി പുൽക്കുന്നുമ്മൽ വിതരണം ചെയ്തു. ചടങ്ങിൽ വായനശാല കമ്മിറ്റി സ്വാതന്ത്ര്യത്തിന്റെ എഴുപത്തഞ്ചാംവാർഷികാഘോഷത്തോടെനുബന്ധിച്ചു നടത്തിയ ഉപന്യാസമത്സരത്തിന്റെ വിജയികൾക്കും ക്വിസ് മത്സര വിജയികൾക്കും ട്രോഫിയും സർട്ടിഫിക്കറ്റുകളും നൽകി.ഗ്രാമ പഞ്ചായത്ത് വൈസ് പ്രസിഡന്റ്‌ വി. അനിൽകുമാർ അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർപേഴ്സൺമാരായ യു. സി പ്രീതി, ശബ്ന റഷീദ്, പഞ്ചായത്ത് മെമ്പർമാരായ നജീബ് പാലക്കൽ, ശിവാനന്ദൻ, സുരേഷ് ബാബു, സജിത ഷാജി,
,വായനശാല മെമ്പർ മാരായ രവീന്ദ്രൻ കുന്ദമംഗലം,ആർ. വി. ചന്ദ്രൻ തുടങ്ങിയവർ സംസാരിച്ചു. പി. കോയമാസ്റ്റർ സ്വാഗതവും കെ. വിജയൻ മാസ്റ്റർ നന്ദിയും പറഞ്ഞു.
