കുന്ദമംഗലം : സ്കൂൾ വിക്കി യിൽ സംസ്ഥാന തലത്തിൽ ഒന്നാം സ്ഥാനം നേടിയ ചൂലാം വയൽ മാക്കൂട്ടം എ.എം.യു.പി സ്കൂളിന് സ്വീകരണം നൽകി. തിരുവനന്തപുരത്ത് നിന്ന് അവാർഡ് സ്വീകരിച്ച് സ്കൂളിലേക്ക് മടങ്ങവെ, കാരന്തൂർ പാറ്റേൺ സ്പോർട്സ് ക്ളബ്ബിന്റെ ആഭിമുഖ്യത്തിലാണ് വാദ്യമേളങ്ങളുടെ അകമ്പടിയോടെ സ്വീകരണം നൽകിയത്. പാറ്റേൺ ഗ്രൗണ്ടിൽ നടന്ന ചടങ്ങിൽ മാക്കൂട്ടം സ്കൂൾ അധ്യാപകർ, പി.ടി.എ ഭാരവാഹികൾ, സ്കൂൾ കുട്ടികൾ എന്നിവർ സ്വീകരണം ഏറ്റ് വാങ്ങി. പാറ്റേൺ പ്രസിഡണ്ട് അരീക്കൽ മൂസ്സഹാജി അധ്യക്ഷത വഹിച്ചു. പാറ്റേൺ ഉപഹാരം സെക്രട്ടറി ടി. അബൂബക്കറിൽ നിന്ന് സ്കൂൾ പ്രധാന അധ്യാപകൻ അബ്ദുൾ ജലീൽ ഏറ്റ് വാങ്ങി. പഞ്ചായത്ത് മെമ്പർ പാലക്കൽ നജീബ്. കോയ മാസ്റ്റർ, പി.എൻ.ശശിധരൻ, പി.ഹസ്സൻ ഹാജി, സൗധ ടീച്ചർ, ഹാഷിദ് മാസ്റ്റർ, സ്കൂൾ പി.ടി.എ പ്രസിഡണ്ട് ഷൗക്കത്തലി, ഹെഡ് മാസ്റ്റർ അബ്ദുൾ ജലീൽ എന്നിവർ സംസാരിച്ചു. പാറ്റേൺ ജനറൽ സെകട്ടറി സി. യൂസഫ് സ്വാഗതവും, കണിയറക്കൽ മൊയ്തീൻ കോയ നന്ദിയും പറഞ്ഞു.
സ്കൂൾ വിക്കി യിൽ സംസ്ഥാന തലത്തിൽ ഒന്നാം സ്ഥാനം നേടിയ ചൂലാം വയൽ മാക്കൂട്ടം എ.എം.യു.പി സ്കൂളിന് സ്വീകരണം നൽകി.
