കുന്ദമംഗലം: കാരന്തൂർ സാമി ഗുരുക്കൾ മെമ്മോറിയൽ എ.എൽ.പി.സ്കൂളിൽ വായനാമാസാചരണം താലൂക്ക് ലൈബ്രറി കൗൺസിൽ പ്രസിഡന്റ് കെ.പി സുരേന്ദ്രനാഥൻ മാസ്റ്റർ ഉദ്ഘാടനം ചെയ്തു. പ്രധാനാധ്യാപിക ജി.എസ് രോഷ്മ അധ്യക്ഷയായി. കാരന്തൂർ സംസ്കാര പ്രദായനി വായനശാലയുടെ സഹകരണത്തോടെ നടന്ന പരിപാടിയിൽസുരേഷ് മിത്രയുടെ മാജിക്ക് ഷോ അരങ്ങേറി. സ്കൂൾ വിദ്യാർഥികൾക്ക് വിതരണം ചെയ്യാനുള്ള സംസ്കാര പ്രധായനി വായനശാലയുടെ പുസ്തക സമാഹാരം ബാബു മാമ്പ്ര സ്കൂൾ സീനിയർ അസിസ്റ്റന്റ് കെ.ജിഷയ്ക്ക് കൈമാറി. ലൈബ്രേറിയൻ രാമചന്ദ്രൻ മൂസത് സ്വാഗതവും സ്കൂൾ സ്റ്റാഫ് സെക്രട്ടറി കെ.എം.എ റഹ്മാൻ നന്ദിയും പറഞ്ഞു.
കാരന്തൂർ എസ്.ജി.എം.എ.എൽ.പി സ്കൂളിൽ വായനാ മാസാചരണത്തിന് പ്രൗഢോജ്വല തുടക്കം.
