കുന്ദമംഗലം :വിശുദ്ധ ഖുർആൻ പൂർണ്ണമായി മന:പാഠമാക്കിയതോടൊപ്പം എസ് എസ് എൽ സി പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ സന്തോഷത്തിലാണ് കോഴിക്കോട് കുന്ദമംഗലം പന്തീർപാടം ഒളോങ്ങൽ ആയിഷ സറ.
മർകസ് ഗേൾസ് ഹൈസ്കൂളിൽ എസ് എസ് എൽ സി ബാച്ചിൽ ചേർന്ന സറ നരിക്കുനി ബൈതുൽ ഇസ്സ ഹിഫ്ളുൽ ഖുർആൻ കോളെജിൽ നിന്നാണ് ഖുർആൻ മന:പാഠമാക്കിയത്. സ്കൂൾ പഠനത്തോടൊപ്പം ചെറുപ്രായത്തിൽ തന്നെ ഖുർആൻ ഹൃദിസ്ഥമാക്കാൻ ആഗ്രഹിക്കുകയും രണ്ട് വർഷം കൊണ്ട് മന:പാഠമാക്കുകയും ചെയ്തു. സ്കൂൾ ക്ലാസ് അധ്യാപകൻ്റെയും മാതാപിതാക്കളുടെയും അകമഴിഞ്ഞ പിന്തുണയാണ് ഉന്നത വിജയം നേടാൻ സഹായകമായതെന്ന് വിദ്യാർത്ഥിനി പറഞ്ഞു. മത വിഷയങ്ങളിൽ ഉയർന്ന പഠനം നടത്തുന്നതോടൊപ്പം മെഡിക്കൽ മേഖലയിൽ സേവനം ചെയ്യലാണ് അഭിലാഷം. ഒളോങ്ങൽ അബ്ദുൽ ഗഫൂർ -ഫാത്തിമഎന്നവരുടെ മകളാണ് മികച്ച വിജയം നേടിയ ആയിഷ സറയെ വീട്ടിലെത്തി സ്കൂൾ പി ടി എ കമ്മറ്റിയുടെ നേതൃത്വത്തിൽ അനുമോദിച്ചു. ഡോ അബൂബക്കർ നിസാമി ഉപഹാരം നൽകി. സ്കൂൾ കായികാധ്യാപകൻ എ കെ മുഹമ്മദ് അഷ്റഫ്, പി ടി എ പ്രസിഡണ്ട് പി കെ അബൂബക്കർ, വൈസ് പ്രസിഡന്റ് സി മുഹമ്മദ് ഷാജി പങ്കെടുത്തു.
SSLCപരീക്ഷയിൽ മുഴുവൻ വിഷയങ്ങളിലും A+നേടിയ സന്തോഷത്തിലാണ് കോഴിക്കോട് കുന്ദമംഗലം പന്തീർപാടം ഒളോങ്ങൽ ആയിഷ സറ
