കുന്ദമംഗലം: മാതൃഭാഷയുടെ മഹത്വവും സന്ദേശവും അറിയിച്ച് സ്കൂൾ വിദ്യാർത്ഥികൾ ജനപ്രതിനിധികൾക്കും പൊതുപ്രവർത്തകർക്കും കത്തുകളയച്ചു.സ്നേഹപൂർവ്വം ജനപ്രതിനിധികൾക്ക് ..പരിപാടിയുടെ ഭാഗമായാണ് കുരുവട്ടൂർ ഗ്രാമപഞ്ചായത്ത് അംഗങ്ങൾക്കും പൊതുപ്രവർത്തകർക്കും കുരുന്നുകൾ കത്തുകളെഴുതിയത്.ഭാഷാദിന സന്ദേശങ്ങൾ അറിയിക്കുന്നതോടൊപ്പം പൊതു പ്രവർത്തന മേഖലയിൽ മലയാളഭാഷയ്ക്ക് ഊന്നൽ നൽകണമെന്നും കുട്ടികൾ കത്തിലൂടെ ആവശ്യപ്പെട്ടു.സ്കൂളിലെ 3, 4 ക്ലാസ് വിദ്യാർത്ഥികളാണ് തപാലിലൂടെ കത്തുകളയച്ചത്.
മാതൃഭാഷാ ദിനത്തിന്റെ ഭാഗമായി അക്ഷരമരം,അക്ഷര ചിത്രങ്ങൾ, പദപ്പയറ്റ്,പോസ്‍റ്റര്‍ പ്രദര്‍ശനം തുടങ്ങിയ പരിപാടികളും നടന്നു.
ഹെഡ്മിസ്ട്രസ് സീന.സി,അധ്യാപകരായ മുഹമ്മദലി,സൽമ എൻ.എസ്,മുബഷിറ,ദീപ കെ , ഹസ്ന സി.കെ എന്നിവർ പരിപാടികൾക്ക് നേതൃത്വം നൽകി.