മുക്കം: മുക്കം എം.എ.എം.ഒ.കോളേജ് ഗ്ലോബൽ അലുംമ്നിയുടെ ലോഗോ പ്രകാശനം മാനേജർ ജനാബ് മോയി മോൻ ഹാജി നിർവഹിച്ചു.
ചടങ്ങിൽ അലൂംനി പ്രസിഡണ്ട് അഡ്വ. മുജീബ് റഹ്മാൻ അധ്യക്ഷനായിരുന്നു. വൈസ് പ്രസിഡന്റ് അഷ്റഫ് വയലിൽ സെക്രട്ടറിമാരായ ഇ.കെ. മുജീബ് പുത്തൂർ, റിയാസ് കുങ്കഞ്ചേരി, നൗഫൽ. ടി. എം, മുഫ്സിറ അഹമ്മദ്, ടീച്ചർ കോഡിനേറ്റർ ഇർഷാദ് മാവായി എന്നിവർ പങ്കെടുത്തു.
നവംബർ മൂന്നാം തിയ്യതി എം.എ.എം.ഒ. കോളേജിൽ വെച്ച് നടക്കുന്ന വിദ്യാർത്ഥികൾക്കുളള സ്കോളർഷിപ്പ് വിതരണം, പൂർവവിദ്യാർഥികളിലെ പ്രതിഭകളെ ആദരിക്കൽ, അലൂംനി മെമ്പർഷിപ്പ് ഉദ്ഘാടനം എന്നീ ചടങ്ങുകളുടെ മുന്നോടിയായാണ് ലോഗോ പ്രകാശനം. നിരവധിയാർന്ന പരിപാടികൾ ഈ വർഷം എം.എ.എം.ഒ. കോളേജ് ഗ്ലോബൽ അലുംനിയുടെ ഭാഗമായി വരാനിരിക്കുന്നതായി കമ്മിറ്റി ഭാരവാഹികൾ അറിയിച്ചു. ഇത് കോവിഡിന് ശേഷം തുറക്കുന്ന കോളേജിനും ഒപ്പം പൂർവ്വ വിദ്യാർഥികൾക്കും ഏറെ ഉണർവ്വ് നൽകുമെന്ന് ചടങ്ങ് വിലയിരുത്തി.
