കുന്ദമംഗലം – വർഷങ്ങളായി താറുമാറായി ക്കിടക്കുന്നപടനിലം കളരിക്കണ്ടി റോഡിന്റെ ശോചനീയാവസ്ഥ അടിയന്തിരമായി പരിഹരിക്കുവാൻ വേണ്ടി അധികാരികളുടെ കണ്ണ് തുറപ്പിക്കുന്ന പ്രക്ഷോഭ പരമ്പരക്ക് തുടക്കം കുറിച്ച് കൊണ്ട് കളരിക്കണ്ടിയിൽ ശാഖാ മുസ്ലിം ലീഗിന്റെയും യൂത്ത് ലീഗിന്റെയും എം.എസ്.എഫിന്റെയും ആഭിമുഖ്യത്തിൽ പന്തം കൊളുത്തി പ്രതിഷേധ ജ്വാല സംഘടിപ്പിച്ചു. പഞ്ചായത്ത് മുസ്ലിം ലീഗ് സെക്രട്ടറി ഒ.സലീം ഉദ്ഘാടനം നിർവ്വഹിച്ചു. ഗ്രാമ പഞ്ചായത്ത് സ്റ്റാൻഡിംഗ് കമ്മിറ്റി മുൻ ചെയർമാൻ ടി.കെ. ഹിതേഷ് കുമാർ , ബൈജു. ടി.കെ, മഹേഷ്,മുഹമ്മദ് എം.കെ., മജീദ് എ.ടി., അഹമ്മദ് കുട്ടി , മൂസ്സ കുട്ടി ഹാജി, മുസ്തഫ ഹാജി, മനാഫ് എ.ടി.,എന്നിവർ പ്രസംഗിച്ചു. ഷാജി പുൽക്കുന്നുമ്മൽ അധ്യക്ഷത വഹിച്ചു. അബ്ദുൽ ഖാദർ സ്വാഗതവും സിദ്ദീഖ് നന്ദിയും പറഞ്ഞു.
പടനിലം കളരിക്കണ്ടി റോഡിന്റെ ശോചനീയാവസ്ഥ അടിയന്തിരമായി പരിഹരിക്കണം: മുസ്ലീം ലീഗ് പ്രവർത്തകർ പന്തം കൊളുത്തി പ്രതിഷേധിച്ചു
