മടവൂർ സി.എം വലിയ്യുല്ലാഹി മഖാം ശരീഫ് ഉറൂസ് മുബാറക്കിന് നാളെ[ മെയ് 16ന് ഞായർ] തുടക്കമാവും.

മടവൂർ : ദക്ഷിണേന്ത്യ യി ലെപ്രമുഖ തീർത്ഥാടനകേന്ദ്രമായ മടവൂർ മഖാം ശരീഫിലെ മുപ്പത്തി ഒന്നാമത് ഉറൂസ് മുബാറക്ക് ഇന്ന് മുതൽ ഓൺലൈനിൽ നടക്കുമെന്ന് ഭാരവാഹികൾ അറിയിച്ചു. ഞായർ രാവിലെ 7 മണിക്ക് സമസ്ത പ്രസിഡണ്ട് സയ്യിദുൽ ഉലമ സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ ഉത്ഘാടനം നിർവഹിക്കും. തുടർന്ന് രാത്രി 8 മണിക്ക് മതപ്രഭാഷണ വേദിയിൽ മുഹമ്മദ് ബാഖവി വാവാട് സംസാരിക്കും., രണ്ടാംദിവസമായ മെയ് 17ന് തിങ്കൾ രാത്രി 7.30 ന് മജ്ലിസുന്നൂറിന്ന്‌ പി.പി അബ്ദുൽ ജലീൽ ബാഖവി നേതൃത്വം നൽകും. തുടർന്ന് മലയമ്മ അബൂബക്കർ ഫൈസി പ്രഭാഷണം നടത്തും. മൂന്നാം ദിവസമായ മെയ് 18 ചൊവ്വാഴ്ച രാത്രി 8 നു ലത്തീഫ് ഫൈസി പൂനൂർ പ്രഭാഷണം നടത്തും. ഉറൂസിൻ്റെ പ്രധാന ചടങ്ങായ ദിക്റ് ദുആ സമ്മേളനം മെയ് 18 നു ബുധനാഴ്ച രാത്രി 7.30 നു ശൈഖുനാ വാവാട് പി.കെ കുഞ്ഞിക്കോയ മുസ്ലിയാരുടെ നേതൃത്വത്തിൽ നടക്കും.ചടങ്ങിൽ അബ്ദുൽ മജീദ് ബാഖവി, കാസർഗോഡ്, മടവൂർ ജാമിഅ: അശ്അരിയ്യ വൈ :പ്രിൻസിപ്പാൾ ഇ. അഹമ്മദ് കുട്ടി ഫൈസി എന്നിവർ സംബന്ധിക്കും.പരിപാടികൾ എസ്.കെ.ഐ സി.ആറിലും, മടവൂർ സി.എം മഖാം ഓഫീഷ്യൽ യൂ ടുബ് ചാനലിലും തൽസമയം സംപ്രേക്ഷണം ചെയ്യും.