പതിമംഗലം: തദ്ദേശ തെരഞ്ഞെടുപ്പിൽ പതിമംഗലം പ്രദേശത്തെ വാർഡുകളിൽ നിന്ന് വിജയിച്ച ജനപ്രതിനിധികൾക്ക് സ്വീകരണവും വിവിധ മത്സരങ്ങളിൽ വിജയിച്ച വിദ്യാർത്ഥികൾക്ക് അനുമോദനവും നൽകി.
പതിമംഗലം അങ്ങാടി ഉൾക്കൊള്ളുന്ന കുന്ദമംഗലം പഞ്ചായത്തിലെ ഒന്ന്, ആറ് വാർഡുകളിൽ നിന്ന് യഥാക്രമം വിജയിച്ച ശബ്ന റഷീദ് പാലക്കൽ, യു സി ബുഷ്‌റ എന്നിവരെയാണ് മലർവാടി ആർട്‌സ് & സ്പോർട്സ് ക്ലബ്ബിന്റെ നേതൃത്വത്തിൽ സ്വീകരിച്ചത്.
ക്ലബ്ബ് പ്രസിഡന്റ് അഷ്റഫ് മണ്ണത്തിന്റെ അധ്യക്ഷതയിൽ അഹമ്മദ് കുട്ടി കക്കാട്ട് പരിപാടി ഉദ്‌ഘാടനം ചെയ്തു.
മലർവാടി ക്ലബ്ബ് പ്രസിഡന്റും ജനറൽ സെക്രട്ടറിയും ഉപഹാരങ്ങൾ കൈമാറി.
ആശംസകൾ അർപ്പിച്ചുകൊണ്ട് വൈസ് പ്രസിഡന്റ് നാസർ ഹിമാലയ, ജോയിന്റ് സെക്രട്ടറി സലീം മാട്ടുവാൾ, അസീസ് കോണിക്കൽ, ജസ്ന സി വി, അഷ്റഫ് കൂടത്താൾ, സലീം മുരട്ടമ്മൽ, ചേക്കു ഹാജി, ജയന്തൻ അവ്വാതോട്ടിൽ എന്നിവർ സംസാരിച്ചു.
ജനറൽ സെക്രട്ടറി യൂസുഫ് സി ടി സ്വാഗതവും ട്രഷറർ നിസാർ പൊറ്റമ്മൽ നന്ദിയും പറഞ്ഞു.
